«Heta samy dziŭny nabytak kłuba. U «Barsy» niama hulcoŭ, jakich varta było mianiać na Hleba», - piša interniet-prajekt.
Rasijski interniet‑prajekt Sport‑Siehodnia, u jakim zadziejničanyja i biełaruskija žurnalisty, praanalizavaŭ hulniu futbalistaŭ «Barsiełony», jakaja ŭ minułuju subotu stała 19‑razovym čempijonam Ispanii.
Kožny z 19 hulcoŭ, jakija bolš-mienš rehularna vychodzili na pole, atrymaŭ adznaku pavodle dziesiacibalnaj škały. a taksama karotkaje reziume.
Najlepšymi hulcami siezona 2008/2009 pryznanyja: Chavi i Andres Injesta, što atrymali pa 8,5 bałaŭ.
Cjery Anry atrymaŭ vosiem bałaŭ, Samiuel Eto'o i Lijaniel Mieśsi pa 7,5 bałaŭ.
Paŭabaronca «Barsy» i zbornaj Biełarusi Alaksandr Hleb tolki 4,5 bała. Heta samaja nizkaja adznaka. Stolki atrymaŭ tolki Ejdur Hudjonsan.
U Siłvińjo - 5,5 bałaŭ, u Marcina Kaseresa, Bojana Krkiča, Eryka Abidala — 6, u kapitana kamandy Karlesa Pujola, Jaja Ture — 6,5, hałkipiera Viktara Valdesa, a taksama Rafaela Markiesa, Seržy Buskietsa, Siejdu Kiejta — 7, u Chierarda Pikie — 7,5, u Danieła Ałveša — 8.
Pa-za śpisam 19-ci zastalisia paŭabaronca Viktar Sančes i forvard Piedra Radryhies Ledesma (h.zv. Piedryta).
Pra Hleba «Sport‑Siehodnia» piša:
«Samy dziŭny nabytak kłuba. Svaju lepšuju hulniu Alaksandr pakazaŭ u pieršym tajmie ničyjnaha matču z «Rasinham» [13 vieraśnia], u jakim atrymaŭ traŭmu i byŭ zamienieny.
Paźniej užo nie było hulcoŭ, jakich varta było pamianiać na Hleba.
Adno z asnoŭnych pytańniaŭ taksama ŭ tym, čamu jaho nivodnaha razu nie pastavili hulać u centr paŭabarony».
Alaksandr Hleb u matčach čempijanatu Ispanii pravioŭ 17 matčaŭ z 36 (učora ŭvieś matč suprać «Maljorki), pryčym tolki ŭ šaści vyjšaŭ u startavym składzie, nie zabiŭ nivodnaha miača, jak i ŭ matčach na Kubak i Lizie čempijonaŭ.
Nie fakt, što jon zhulaje ŭ finale Lihi čempijonaŭ suprać «ManJunajted». Učora Chasep Hvardyjoła daŭ adpačyć hulcam asnoŭnaha składu, kab tyja lepiej rychtavalisia da matču 27 traŭnia. Hleb, naadvarot, vyjšaŭ u startavym składzie.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ12
Kamientary