Alaksandr Łukašenka na siesii Savieta kalektyŭnaj biaśpieki ADKB, što prajšła ŭ anłajn-farmacie, zajaviŭ, što ŭ NATA stvarajecca vajennaja hrupoŭka dla zachopu zachodnich biełaruskich ziemlaŭ, i zaklikaŭ dziaržavy abjadnać namahańni dla supraćstajańnia cisku i ŭmiašańniu zvonku.
«Heta absalutna dakładna stała nam viadoma, sprava ŭ stvareńni vajennaj hrupoŭki NATA dla zachopu hetych [zachodnich biełaruskich] ziamiel. Skažycie, jak na heta možna reahavać?» — zajaviŭ Łukašenka.
«Heta nijakija nie kalarovyja revalucyi, heta zvyčajny miaciež. Revalucyi — heta kali jość asnova dla revalucyi, kali nizy nie chočuć i viarchi nie mohuć i hetak dalej i kali jość revalucyjaniery. Nijakich revalucyjanieraŭ ni ŭ nas, ni ŭ vas siońnia niama. I kali ź imi pačynaješ razmaŭlać na ich movie, jany chutka pieratvarajucca ź nibyta revalucyjanieraŭ u biehłych palityčnych».
«Padziei ŭ Biełarusi — heta tramplin u Rasijskuju Fiederacyju. Tamu nam treba pracavać suprać hetaha ciapier. Nam treba być suprać hetaha adzinymi».
Kamientary