Vakcynacyja ad COVID-19 u Jeŭrapiejskim Sajuzie pačniecca 27—29 śniežnia, zajaviła kiraŭnica Jeŭrakamisii Ursuła fon der Lajen. Ekanamisty čakajuć, što vakcynacyja paskoryć adnaŭleńnie jeŭrapiejskaj ekanomiki, piša RBK.
Staršynia Jeŭrakamisii 17 śniežnia paviedamiła, što vakcynacyja ad karanavirusa pačniecca va ŭsich krainach ES z 27 pa 29 śniežnia. «Heta važny dzień dla Jeŭropy. My ŭsie razam abaraniajem našych hramadzian, razam my mocnyja», — napisała jana ŭ svaim akaŭncie ŭ Twitter.
Napiaredadni, vystupajučy na plenarnaj siesii Jeŭraparłamienta, fon der Lajen zajaviła, što vakcynacyju ŭ Jeŭrasajuzie varta pravieści skaardynavana. «Kab pieramahčy pandemiju, nam treba vakcynavać da 70% nasielnictva. Heta vielmi składany vyklik, davajcie pačniom vakcynacyju razam, usie 27 krain, u adzin dzień», — skazała jana. Jak adznačyła fon der Lajen, Jeŭrakamisija zaklučyła kantrakty z cełym šeraham pastaŭščykoŭ vakcyn. «My zakupili bolš čym dastatkova doz vakcyny, kab vakcynavać kožnaha ŭ Jeŭropie, i my zmožam akazać padtrymku našym susiedziam i partnioram pa ŭsim śviecie», — paviedamiła jana.
Pieršaja vakcyna, raspracavanaja amierykanskaj kampanijaj Pfizer i niamieckaj BioNTech, atrymaje ŭchvału Jeŭrapiejskaj miedycynskaj asacyjacyi (JEMA) ŭžo na nastupnym tydni, i adrazu paśla hetaha krainy zmohuć pačać vakcynacyju hramadzian.
U metach procidziejańnia pandemii Jeŭrakamisija ad imia 27 krain ES zaklučyła kantrakty z vytvorcami šaści vakcyn ad COVID-19:
BioNTech-Pfizer (ZŠA — Hiermanija),
AstraZeneca (Vialikabrytanija),
Sanofi-GSK (Francyja — Vialikabrytanija),
Johnson & Johnson (ZŠA),
CureVac (Hiermanija),
Moderna (ZŠA).
Pry hetym asobnyja krainy mohuć vykarystoŭvać inšyja vakcyny pad ułasnuju adkaznaść. Naprykład, Vienhryja atrymała dazvoł ad rehulatara na vykarystańnie rasijskaj vakcyny «Spadarožnik V».
Paśpiachovaja vakcynacyja nasielnictva — załoh viartańnia jeŭrapiejskich krain da narmalnaj ekanamičnaj dziejnaści. U ciapierašni čas abmiežavańni na pracu kampanij i pieramiaščeńnie ludziej uviedzienyja amal va ŭsich krainach ES. Pavodle prahnozaŭ Mižnarodnaha valutnaha fondu, VUP jeŭrazony źnizicca na 8,3% u 2020 hodzie i vyraście na 4,7% u 2021 hodzie.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku60
Kamientary