Uładzimir Pucin i Alaksandr Łukašenka na sustrečy abmiarkujuć zajavy ab «lalkavodach» minskich pratestaŭ z Rasii, kali jany sapraŭdy hučali, zajaviŭ pres-sakratar rasijskaha lidara Dźmitryj Piaskoŭ, piša RIA Novosti.
«My abaviazkova pahladzim, što heta byli za zajavy. Kali heta sapraŭdy tak, to, viadoma, budzie dobraja mahčymaść i heta taksama abmierkavać na sustrečy 22 lutaha, kali heta adpaviadaje rečaisnaści», — skazaŭ Piaskoŭ, adkazvajučy na pytańnie žurnalistaŭ, ci sočać u Maskvie za pracesam nad eks-pretendentam u prezidenty Biełarusi Viktaram Babarykam, dzie zajaŭlali pra rasijskich «lalkavodaŭ» biełaruskich pratestaŭ.
Piaskoŭ dadaŭ, što samo sudovaje raźbiralnictva Kreml nijak nie moža kamientavać.
«Heta ŭnutranaja biełaruskaja sprava, heta jakraz toj vypadak, kali my nijakim čynam nie chočam umiešvacca ŭ sudovyja ŭnutrybiełaruskija spravy», — padkreśliŭ jon.
Sustreča Pucina i Łukašenki adbudziecca 22 lutaha.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary