Kab zaachvocić moładź atrymać supraćkavidnuju pryščepku, izrailski bar vyrašyŭ prapanoŭvać naviedvalnikam biaspłatny ałkahol. Ciapier u bary Jenia, što ŭ Tel-Avivie, kožny, chto prajšoŭ vakcynacyju, zmoža atrymać zadarma piva ci mini-kaktejl. Heta sumiesnaja inicyjatyva kiraŭnikoŭ bara, kliniki Ichiłaŭ i miedycynskaj słužby «Mahien David Adam» (izrailski ekvivalent «Čyrvonaha kryža»).
33% nasielnictva Izraila ŭžo prajšli vakcynacyju suprać kavidu, adnak miascovaja moładź nie nadta aktyŭna ŭdzielničaje ŭ hetaj kampanii. Tolki 30% moładzi, jakija pa kryterach padychodziać dla vakcynacyi, prajšli jaje na hety momant.
Bolš za toje, u apošnija tydni 75% novych vypadkaŭ kavidu prychodziłasia na ludziej, maładziejšych za 39 hod, piša 20 minutes.
Inšyja miascovyja ŭstanovy taksama sprabujuć zacikavić ludziej. Jany prapanujuć za vakcynacyju cukierki ci nacyjanalnyja stravy.
Razam z tym izrailski ŭrad niadaŭna raspačaŭ šerah intensiŭnych infarmacyjnych kampanij, kab zaachvocić ludziej zrabić pryščepku.
Infiekcyjanisty bačać situacyju tak: čym bolš ludziej budzie vakcynavana, tym chutčej kraina vierniecca da narmalnaha žyćcia.
Kamientary