Piaci fihurantam spravy za nadpis «Nie zabudziem» pakinuli prysudy ŭ sile. Jany pajeduć na «chimiju» i ŭ kałoniju
Apielacyjnyja skarhi fihurantaŭ spravy za nadpis «Nie zabudziem» razhladali sudovyja kalehii Minharsuda pad staršynstvam sudździaŭ Taćciany Falkoŭskaj i Valanciny Ziańkievič, paviedamlaje Radyjo Svaboda.
Jany pakinuli ŭsie piać apielacyjnych skarhaŭ biez zadavalnieńnia, a prysudy — u sile. Heta značyć, što ciaham niekalkich tydniaŭ Dzianis Hrachanaŭ i Ihar Samusienka buduć nakiravanyja ŭ papraŭčuju ŭstanovu adkrytaha typu adbyvać chimiju terminam na 1,5 hoda — tady jany znoŭ buduć pryznanyja palityčnymi źniavolenymi.
Najbližejšym časam kryminalna-vykanaŭčaja inśpiekcyja pryznačyć umovy adbyvańnia chatniaj chimii na 18 miesiacaŭ dla Maryi Babovič, a palitźniavolenyja Uładzisłaŭ Hulis i Maksim Paŭluščyk buduć etapavanyja sa śledčych izalataraŭ u kałonii adbyvać pakarańnie terminam na 2 hady.
Stała viadoma, što za amierykaniec niadaŭna byŭ vyzvaleny ź biełaruskaj turmy7
Kamientary