Asnoŭnaje za 9 sakavika: Rekordy filma pra Łukašenku, zatrymanyja z farbaj, treš na «Jeŭrabačańni», zajaŭka na Dzień Voli
Pasoł Rasii raskazaŭ pra admovu ad razmovy z Kaardynacyjnaj radaj
Biełaruskaja apazicyja źviartałasia da pasła Rasii ŭ Biełarusi Dźmitryja Mieziencava z prośbaj ab asabistaj sustrečy, ale dypłamat razmaŭlać admoviŭsia, raspavioŭ jon u intervju telekanału RBK. Pa słovach Mieziencava, rasijskija dypłamaty nie hatovy vieści razmovu z tymi siłami, jakija nakiravany na «padryŭ dziaržaŭnych asnoŭ».
U Minharvykankam padali zajaŭku na praviadzieńnie Dnia Voli
Pavodle zakona, arhanizatary nie mohuć paviedamlać, jakuju datu i jakoje miesca jany abrali.
Pahladzicie, kaho źbirajucca adpravić ad Biełarusi na «Jeŭrabačańnie» VIDEA
Biełaruś na konkursie pieśni «Jeŭrabačańnie-2021» pradstavić hurt «Hałasy ZMiesta». Ansambl «Hałasy ZMiesta» vykonvaje źjedlivyja ahitki pra pratesty, dvarovyja čaty, pra Paŭła Łatušku, Śviatłanu Cichanoŭskuju, Maryju Kaleśnikavu i palityčnuju situacyju ŭ Biełarusi.
«Bajpoł» apublikavaŭ videa, na jakich zatrymanyja paznačanyja farbaj
Inicyjatyva siłavikoŭ «Bajpoł» apublikavała ŭryŭki videazapisaŭ z ustanoŭ MUS, dzie zatrymanyja pa palityčnych matyvach, u tym liku 19-hadovaja studentka Nastaśsia Bułybienka, majuć mietki farbaj na hałavie.
Mama studentki Asi Bułybienka, jakuju siłaviki paznačyli farbaj: Ubačyć, što ŭ toj momant było, — dla mianie žach
«Bajpoł» apublikavaŭ videa zatrymanych, jakich paznačali farbaj. Siarod ich — 19-hadovaja studentka BNTU Nastaśsia Bułybienka, jakuju adpravili na Vaładarku. Mama dziaŭčyny Aksana pryznajecca, što nie maje sił pierahledzieć heta videa.
U MZS Biełarusi prapanavali polskamu konsułu pakinuć krainu
U MZS Biełarusi prapanavali konsułu Hienieralnaha konsulstva Polščy ŭ Bieraści Ježy Cimafiejuku pakinuć Biełaruś u suviazi z «hrubym parušeńniem Vienskaj kanviencyi ab konsulskich znosinach».
Film Ściapana Puciły trapiŭ u trendy jutuba. Jak ałharytm abiraje top i ci časta tam palityčnyja roliki?
Novy film Ściapana Puciły za dzień nabraŭ 1,6 miljona prahladaŭ i trymajecca na pieršaj pazicyi ŭ trendach biełaruskaha YouTube. Ci časta ŭ top vybivajecca nacyjanalny kantent i jak ałharytm abiraje trendy? Tłumačym.
Film pra Łukašenku nabraŭ bolš za 2 miljony prahladaŭ
Film «Łukašenka. Załatoje dno» błohiera Ściapana Puciły za sutki pahladzieła bolš za 2 miljony čałaviek. Videa apynułasia na pieršym miescy ŭ trendach YouTube ŭ Biełarusi.
Kamientary