Асноўнае за 9 сакавіка: Рэкорды фільма пра Лукашэнку, затрыманыя з фарбай, трэш на «Еўрабачанні», заяўка на Дзень Волі
Пасол Расіі расказаў пра адмову ад размовы з Каардынацыйнай радай
Беларуская апазіцыя звярталася да пасла Расіі ў Беларусі Дзмітрыя Мезенцава з просьбай аб асабістай сустрэчы, але дыпламат размаўляць адмовіўся, распавёў ён у інтэрв'ю тэлеканалу РБК. Па словах Мезенцава, расійскія дыпламаты не гатовы весці размову з тымі сіламі, якія накіраваны на «падрыў дзяржаўных асноў».
У Мінгарвыканкам падалі заяўку на правядзенне Дня Волі
Паводле закона, арганізатары не могуць паведамляць, якую дату і якое месца яны абралі.
Паглядзіце, каго збіраюцца адправіць ад Беларусі на «Еўрабачанне» ВІДЭА
Беларусь на конкурсе песні «Еўрабачанне-2021» прадставіць гурт «Галасы ЗМеста». Ансамбль «Галасы ЗМеста» выконвае з'едлівыя агіткі пра пратэсты, дваровыя чаты, пра Паўла Латушку, Святлану Ціханоўскую, Марыю Калеснікаву і палітычную сітуацыю ў Беларусі.
«Байпол» апублікаваў відэа, на якіх затрыманыя пазначаныя фарбай
Ініцыятыва сілавікоў «Байпол» апублікавала ўрыўкі відэазапісаў з устаноў МУС, дзе затрыманыя па палітычных матывах, у тым ліку 19-гадовая студэнтка Настасся Булыбенка, маюць меткі фарбай на галаве.
Мама студэнткі Асі Булыбенка, якую сілавікі пазначылі фарбай: Убачыць, што ў той момант было, — для мяне жах
«Байпол» апублікаваў відэа затрыманых, якіх пазначалі фарбай. Сярод іх — 19-гадовая студэнтка БНТУ Настасся Булыбенка, якую адправілі на Валадарку. Мама дзяўчыны Аксана прызнаецца, што не мае сіл перагледзець гэта відэа.
У МЗС Беларусі прапанавалі польскаму консулу пакінуць краіну
У МЗС Беларусі прапанавалі консулу Генеральнага консульства Польшчы ў Берасці Ежы Цімафеюку пакінуць Беларусь у сувязі з «грубым парушэннем Венскай канвенцыі аб консульскіх зносінах».
Фільм Сцяпана Пуцілы трапіў у трэнды ютуба. Як алгарытм абірае топ і ці часта там палітычныя ролікі?
Новы фільм Сцяпана Пуцілы за дзень набраў 1,6 мільёна праглядаў і трымаецца на першай пазіцыі ў трэндах беларускага YouTube. Ці часта ў топ выбіваецца нацыянальны кантэнт і як алгарытм абірае трэнды? Тлумачым.
Фільм пра Лукашэнку набраў больш за 2 мільёны праглядаў
Фільм «Лукашэнка. Залатое дно» блогера Сцяпана Пуцілы за суткі паглядзела больш за 2 мільёны чалавек. Відэа апынулася на першым месцы ў трэндах YouTube ў Беларусі.
Каментары