Błogier Falskvahien pra list Barysa Tumara «Darahaja apazycyja…»
Błogier Falskvahien pra list Barysa Tumara «Darahaja apazycyja…»
Spadar Barys Tumar dasłaŭ list u Našaj Nivie da našaj apazicyi. Pačytać cikava….
U asnovie palityki lažać pytańni vartaściaŭ i hrošaj. Jakija kaštoŭnaści adstojvajuć demakratyčnyja lidery? Na čyje resursy jany abapirajucca?Palityk biez kaštoŭnaściaŭ moža vykonvać tolki dapamožnyja roli. Heta raz. Palityka nia moža rabicca biez apory na nacyjanalny kapitał. Heta dva.
Kalakin słušna adznačyŭ, što apazycyja praviała kampaniju, majučy ŭ 500 razoŭ mieniej resursaŭ, čym Łukašenka. Tak i jość. Prajšło try miesiacy paśla vybaraŭ, i što, apazycyja zrabiła adzin krok dla pošuku srodkaŭ? Takoj mahčymaści niama, adkazvajuć mnie. Kali niama, tady mo niama sensu i zajmacca palitykaj? Mo prosta čas zajmacca niečym inšym – knihi pisać, mahiły prodkaŭ paradkavać? (Heta da pytańnia pra vartaści.)
Apazycyja maŭčyć. Ci to ad vialikaha rozumu, ci to ad vialikaje pustaty. Tym časam ułady naviazvajuć svaje temy dla havorki: supolnaja abarona niezaležnaści (ad kaho?), vybary pavodle partyjnych śpisaŭ (…a durniu radaść) i – novy apazycyjaner vyjaviŭsia (trymajcie mianie!) – Dubovik.
Pakul nia ŭźniknie realnaja, a nie hipatetyčnaja pahroza ekanamičnaj stabilnaści, naiŭna čakać pieramienaŭ z hetaha boku.
A apazycyja nia znojdzie resursaŭ, pakul u jaje nia budzie adnaho lidera i jasnaha planu dziejańniaŭ. Adnak, nie paśpieŭšy abrać, lidera topiać. Nie paśpieŭšy dajhrać adnu schiemku, jany ŭžo vystrojvajuć novyja. Pisać pra vas nia chočacca, palityki… Chočacca pisać knihi i prybirać mahiły słaŭnych prodkaŭ.
Z.Y. Čamu sapraŭdy takaja apatyja ŭ apazicyi? Čamu paśla sakavickaha čynu ŭsio viarnułasia «na kruhi svaja»? Moža tamu što sapraŭdy, da padziejaŭ da płoščy, jakija Vital Silicki vyznačyŭ jak dysidencki čyn, našaja palityčnaja apazicyja sapraŭdy nie mieła nijakaha dačynieńnia, a tamu čakać niečaha ad jaje było poŭnaje hłupstva? A moža prosta tamu što ŭ nas užo nijakaj apazicyi i niama - a jość dysidenctva ŭ čystym vyhladzie, i tyja, chto hatovyja pryznać sabie dysidentam (što aznačaje, što supraciŭ Łukašenkaŭščynie dla ich - heta ŭ pieršuju čarhu maralnaja, a nie palityčnaja akcyja), prosta bolš ščyryja, čym tyja, chto jašče sprabujuć hetuju palityčnuju dziejnaść imitavać? A kali palityčnaja dziejnaść imitujecca, to na jaki ŭsie hetyja svarki za lidarstva, pieramovy, pasiedžańni, sprečki pa stratehii?
Chacia, pryznacca, što palitykaj užo zajmacca nielha, ciažka. Heta bolej, čym pajści ŭ adstaŭku, da čaho zaklikajuć Fiaduta, Mackievič i inšyja. Heta nie dać inšym, chto pryjduć na ich miescy, zajmacca padobnaj ža biazhłuździcaj. A ź inšaha boku, dysidentam u niejkim sensie być lepš. Možna prosta rabić svaju spravu - knihi pisać, mahiły dahladać - i nie vysłuchoŭvać abvinavačvańni ŭ niaspraŭdžanych nadziejach, kali tolki poŭny jołupień moh čahości ad ciabie čakać i spadziavacca…
Falksvahien, TOL Biełaruś
Kamientary