Jeŭrasajuz padoŭžyŭ na hod sankcyi suprać Irana ŭ suviazi z parušeńniem pravoŭ čałavieka ŭ hetaj krainie, dadaŭšy ŭ čorny śpis jašče vosiem čałaviek i try arhanizacyi.
Pra heta havorycca ŭ zajavie Rady ES, pašyranaj u paniadziełak u Bruseli, piša TASS.
«Rada siońnia pryniała rašeńnie praciahnuć svaje abmiežavalnyja miery ŭ adkaz na surjoznyja parušeńni pravoŭ čałavieka ŭ Iranie da 13 krasavika 2022 hoda. Rada taksama dadała vosiem asob i try arhanizacyi ŭ hety sankcyjny śpis z ulikam ich roli ŭ hvałtoŭnym reahavańni na demanstracyi ŭ Iranie ŭ listapadzie 2019 hoda», — adznačajecca ŭ im.
Jak padkreślivaje Rada, «hetyja miery ŭklučajuć zabaronu na pajezdki i zamarožvańnie aktyvaŭ, a taksama zabaronu na ekspart u Iran abstalavańnia, jakoje moža być vykarystana dla ŭnutranych represij, i abstalavańnia dla manitorynhu telekamunikacyj». «Akramia taho, hramadzianam i kampanijam ES zabaroniena pradastaŭlać srodki pieraličanym fizičnym i jurydyčnym asobam», — havorycca ŭ zajavie.
Takim čynam, u čorny śpis pa Iranie ŭvachodziać ahułam 89 fizičnych asob i čatyry arhanizacyi. Rada nahadvaje, što sankcyi byli ŭpieršyniu ŭviedzienyja ŭ dziejańnie ŭ 2011 hodzie i z tych časoŭ štohod praciahvajucca.
-
Stas Michajłaŭ, Michaił Šufucinski i Nataša Karalova praśpiavali dla kiraŭnikoŭ SND u Ermitažy
-
Miełoni vystaviła na aŭkcyjon kurjoznyja dziaržaŭnyja padarunki. Siarod łotaŭ — čaraviki sa skury pitona, iPad ad Zialenskaha i miech rysu
-
Zahinuŭ Vins Zampieła — raspracoŭščyk videahulniaŭ Call of Duty i Battlefield 6
Kamientary