Polšča abvierhła paviedamleńnie Minabarony Biełarusi pra parušeńnie miažy
Uviečary 12 krasavika polskija vajskovyja samaloty nie vykonvali paloty pablizu biełaruskaj miažy. Pra heta paviedamiła apieratyŭnaje kamandavańnie polskich uzbrojenych sił, piša Tut.by.
— Pravodzicca pastajanny manitorynh pavietranaj prastory. Vajskovyja samaloty ŭviečary 12.04 biahučaha hoda nie vykonvali palotaŭ pablizu dziaržaŭnaj miažy pamiž Polščaj i Biełaruśsiu, — paviedamiła polskaje vajennaje viedamstva ŭ svaim Twitter.
Przestrzeń powietrzna jest na bieżąco monitorowana. Wojskowe statki powietrzne, 12.04 br. w godzinach wieczornych, nie wykonywały lotów w pobliżu granicy państwowej między Polską, a Białorusią.
— Dowództwo Operacyjne (@DowOperSZ) April 13, 2021
Siońnia Ministerstva abarony Biełarusi paviedamiła, što 12 krasavika 2021 hoda ŭ 20.45 niavyśvietlenaje pavietranaje sudna parušyła biełaruskuju miažu z boku Respubliki Polšča. Zatym abjekt viarnuŭsia na polskuju terytoryju.
Jak zajavili ŭ viedamstvie, u suviazi ź incydentam u Ministerstva byŭ vyklikany ataše pa pytańniach abarony pry polskim pasolstvie ŭ našaj krainie. Jamu zajavili pra toje, što nieabchodna pravieści raźbiralnictva pa fakcie incydentu i painfarmavać pra vyniki biełaruski bok.
Kamientary