Žycharku Mahilova aštrafavali za toje, što jaje podpis padobny da ekstremisckaj abrevijatury
Sudździa Kastryčnickaha rajona Natalla Kraškina 26 krasavika aštrafavała mahilaŭčanku Maryju Vajnovu z-za rośpisu ŭ pratakole - za «raspaŭsiud pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść» (art. 19.11)
U kancy sakavika supracoŭniki HUBAZiK praviali z Maryjaj «prafiłaktyčnuju hutarku», padčas jakoj papiaredzili ab niedapuščalnaści dziejańniaŭ, jakija parušajuć zakanadaŭstva.
Joj vydali błank aficyjnaha papiaredžańnia, dzie Vojnava raśpisałasia — razynačka ŭ tym, što dziaŭčyna raśpisvajecca takim ža podpisam, što i ŭ pašparcie.
A ŭ pašparcie, jaki Maryja atrymała 12 hadoŭ tamu, u jaje rośpisie možna ŭbačyć abrevijaturu, jakaja składajecca z 4 litar i 4 kropak, jakuju niekatoryja rasšyfroŭvajuć jak krytyku supracoŭnikaŭ palicyi.
U 2018 hodzie abrevijatura była ŭniesiena ŭ śpis ekstremisckich materyjałaŭ.
Praz dva tydni paśla «prafiłaktyčnaj hutarki» Vajnovu vyklikali da ŭčastkovaha, dzie jaje ŭžo čakali supracoŭniki 11-ha ŭpraŭleńnia HUBAZiK MUS Furmanaŭ i Zacharaŭ. Na praciahu čatyroch hadzin jany zadavali dziaŭčynie roznyja pytańni. U vyniku na dziaŭčynu skłali administracyjny pratakoł pa 19.11 KaAP.
Na sudzie 26 krasavika Furmanaŭ vystupiŭ u jakaści śviedki. Vajnova zajaviła, što paśla pratakoła pierastała tak raśpisvacca, adnak adznačyła, što dobryja supracoŭniki milicyi b nikoli nie pryniali b abrevijaturu na svoj rachunak.
U svaju čarhu, Furmanaŭ zajaviŭ, što z-za raspaŭsiudu hetaj abrevijatury «ŭ Internecie miemasiki hulajuć».
Sudździa, pahladzieŭšy na ŭsio heta, vyrašyła pakarać Vajnovu 10 bazavymi vieličyniami štrafu (290 rubloŭ).
Kamientary