Pieršy matč u Lizie čempijonaŭ BATE zhulaje z «Makiedonijaj HP». «Dynama» Minsk taksama adpravicca ŭ Makiedoniju, MTZ-RIPA - u Čarnahoryju. «Naftan» - u Bielhiju. U paniadziełak prajšło losavańnie pieršych raŭndaŭ jeŭrakubkaŭ.
Čempijon Biełarusi barysaŭski BATE pačynaje z druhoha raŭndu. Cupiernikam biełarusaŭ budzie kłub «Makiedonija HP» sa Skopje.
Matčy projduć 14‑15 lipienia i 21-22 lipienia. Pieršy matč BATE zhulaje ŭ haściach.
FK «Makiedonija H́orče Pietraŭ» byŭ zasnavany ŭ 1932 h. pad nazvaj «Chask», potym zvaŭsia «Rudar». Prafiesijny kłub stvorany ŭ 1970 h. pad nazvaj «Juhokokta».
Z 1990 h. źmianiŭ nazvu na FK «Makiedonija H́orče Pietraŭ» - nazva na adbor «Makiedonija HP».
H́orče Pietraŭ (Hieorhi Pietraŭ) - viadomy bałharski revalucyjanier, adzin z zasnavalnikaŭ Makiedonska-odrynskaj revalucyjnaj arhanizacyi, a taksama aŭtar knihi «Materyjały pa vyvučeńni Makiedonii».
FK «Makiedonija HP» hulaje ŭ Skopje, na stadyjonie ŭmiaščalnaściu 2 500 hledačoŭ. U siezonie 2008/2009 kłub upieršyniu staŭ čempijonam Makiedonii, u siezonie 2007/2008 zaniaŭ siomaje miesca, u siezonie 2006/2007 - treciaje.
***
U pieršym raŭndzie Lihi Jeŭropy, što pryjšła na źmienu Kubku UEFA,
MTZ‑RIPA zhulaje z čarnahorskim kłubam «Sućjeska» (Nikšyč).
Kłub zasnavany ŭ 1927 h. Chatnija matčy hulaje na stadyjonie «Kraj Nikšyč», što źmiaščaje 10 800 hledačoŭ. U minułym siezonie zaniaŭ u čempijanacie Čarnahoryi, što startavaŭ try hady tamu, 3‑ie miesca.
Za «Sućjesku», darečy, koliś hulaŭ forvard italjanskaj «Romy» Mirka Vučynič.
Pieršy matč 2 lipienia ŭ haściach, 9 lipienia - u Minsku.
Pieramožca dvuboju ŭ nastupnym raŭndzie zhulaje z danieckim «Mietałurham». Hetyja matčy projduć 16 i 23 lipienia.
***
«Dynama» Minsk zhulaje ŭ 1‑m adboračnym raŭndzie Lihi Jeŭropy z makiedonskim kłubam «Renova», što pradstaŭlaje viosku Cepciščte.
Kłub zasnavany ŭ 2002 h. U siezonie 2008/2009 zaniaŭ 3‑ie miesca. Chatnija pajadynki pravodzić u horadzie Cietava, na haradskim stadyjonie.
Pieršyja matč - 2 lipienia ŭ Minsku, 9 lipienia - matč u haściach.
Pieramožca hetaj pary zhulaje ŭ nastupnym raŭndzie z narviežskim «Tromsie» - kłubam z-za palarnaha kruhu. Hetyja matčy projduć 16 i 23 lipienia.
***
«Naftan» Navapołack startuje z 2‑ha raŭndu. Jaho supiernik bielhijski «Hient», jaki za svaju bolš čym stohadovuju historyju nikoli nie byŭ čempijonam svajoj krainy.
***
Z makiedonskimi i čarnahorskimi kłubami biełaruskija raniej nie sustrakalisia. A ź bielhijskimi dvojčy - u 1987 h. minskaje «Dynama» hulała ŭ Kubku kubkaŭ z «Miechielenam» (1:1, 0:1), a letaś BATE - u druhim raŭndzie Lihi čempijonaŭ z «Anderlechtam» (2:1, 2:2).
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi4
Kamientary