Da žniŭnia hetaha hoda budzie źviarstany kompleksny płan raźvićcia baskietboła, kab nadać «novy impuls» hetamu vidu sportu.
Pra heta paviedamiŭ staršynia Biełaruskaj fiederacyi baskietboła Viktar Kamiankoŭ 22 červienia na pres‑kanfierencyi ŭ redakcyi haziety «Komsomolskaja pravda» v Biełoruśsii», padčas jakoj byli padviedzieny vyniki vystupleńnia žanočaj zbornaj na čempijanacie Jeŭropy ŭ Łatvii.
«Takija kamandy, jak žanočaja, zasłuhoŭvajuć samaj pilnaj uvahi», — padkreśliŭ V.Kamiankoŭ. U płanie, pavodle jaho słoŭ, adlustravany pytańni raźvićcia baskietboła na ŭsich uzroŭniach, uklučajučy školny «i raniejšy». U Minsku nieabchodna pabudavać novyja zały, u inšych rehijonach jany jość, adznačyŭ V.Kamiankoŭ.
Na pytańnie kapitana zbornaj Natalli Trafimavaj, ci jość u jaje šans pahulać u novaj zale, kiraŭnik fiederacyi adkazaŭ śćviardžalna.
Adzin ź lideraŭ kamandy Alena Leŭčanka adznačyła, što ŭ krainie šmat ladovych pałacaŭ, i zaklikała pabudavać chacia b adnu baskietbolnuju zału.
Kamientary