Źniščeńnie Tut.baja — heta najmahutniejšy ŭdar pa ekanomicy.
U ciapierašnim infarmacyjnym hramadstvie luboje paharšeńnie jakaści dastupnaj infarmacyi pryvodzić da viejernaha efiektu. Biznesu treba abjektyŭnaja infarmacyja. Na jeŭrapiejskim kantyniencie hrošy nie iduć tudy, dzie niama jakasnych ŚMI. U nas na vačach z krainy buduć spłyvać usio novyja kity biznesu.
Pa-druhoje, razhrom Tut.baja pryviadzie da paskareńnia adtoku IT-siektara ź Biełarusi. Atrymlivajecca, što ŭklučeńnie luboj kampanii ŭ PVT možna pryznać niezakonnym, a vinu ŭskłaści nie na tych, chto ŭklučaŭ, a na kampanii PVT? Absurd — ale tak interpretuje siońniašnija padziei IT-biznes.
Pa-treciaje, razhrom Tut.baja pavialičvaje imaviernaść uviadzieńnia novych sankcyj ES suprać łukašenkaŭcaŭ — pryčym jany ŭpieršyniu mohuć stacca nie simvaličnymi, a realnymi.
Błakavańnie Tut.baja taksama padvodzić rysu pad raniejšym etapam isnavańnia ŚMI ŭ Biełarusi. Razhrom fłahmana miedyj adkidvaje nacyjanalnyja ŚMI na dziesiacihodździ i zrobić dziaržavu jašče bolš infarmacyjna zaležnaj ad Rasii. Spatrebicca mabilizacyja hramadstva na padtrymku tych biełaruskich ŚMI, jakija zastajucca — unutry krainy i za jaje miežami.
Ludskija pakuty, bol, traŭmy ŭ vyniku represij nieacennyja, ale treba pamiatać, što lubyja masavyja represii bjuć pa sistemie macniej, čym pa achviarach.
Kamientary