MZS Čechii pra intervju Pratasieviča: Łukašenka vykarystoŭvaje stalinskija mietady
Zajava apublikavana na aficyjnym sajcie MZS Čechii.
«Ministerstva zamiežnych spraŭ Češskaj respubliki ličyć, što źjaŭleńnie ŭ čaćvier biełaruskaha apazicyjnaha žurnalista Ramana Pratasieviča na Biełaruskim dziaržaŭnym telebačańni było vymušanym i vidavočna manipulavanym. Nievierahodna, što ŭ 21 stahodździ režym Łukašenki vykarystoŭvaje suprać svaich praciŭnikaŭ mietady, viadomyja z časoŭ samych žorstkich stalinskich represij 1930—1950-ch hadoŭ. My asudžajem hetyja mietady, jakim vidavočna nie miesca ŭ cyvilizavanaj Jeŭropie. My zaklikajem da nieadkładnaha vyzvaleńnia Ramana Pratasieviča i ŭsich inšych palityčnych źniavolenych u Biełarusi, kolkaść jakich raście z kožnym tydniem.
Źviarnicie ŭvahu, što pavodle źviestak Češskaj Respubliki, zatrymańnie Ramana Pratasieviča adbyłosia paśla vymušanaj pasadki rejsa Ryanair 23 maja nasupierak mižnarodnamu pravu. Tamu Češskaja Respublika nieadkładna padtrymała prapanovu ab novych abmiežavalnych mierach u dačynieńni da Biełarusi ŭ Jeŭrapiejskaj radzie i stała adnoj ź pieršych krain, jakija zabaranili paloty «Biełavija» na svajoj terytoryi. Češskaja Respublika aktyŭna padtrymała rašeńnie Savieta ES ab zabaronie palotaŭ biełaruskich avijapieravozčykaŭ u pavietranuju prastoru ES, u tym liku pasadku ŭ aeraportach dziaržaŭ-členaŭ Jeŭrapiejskaha Sajuza.
Z našaha punktu hledžańnia, važna, kab sankcyi suprać Biełarusi nie zakranali prostych biełaruskich hramadzian, a byli nakiravanyja vyklučna na Łukašenku i inšych asob, adkaznych za toje, što dapamahli zachavać jaho aŭtarytarny režym va ŭładzie šlacham žorstkich represij».
Ministr zamiežnych spraŭ Čechii Jakub Kułhaniek taksama ŭ chutkim časie płanuje sustrecca sa Śviatłanaj Cichanoŭskaj.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary