Kultura

26-hadovy režysior pieršym zhadziŭsia pastavić u Kupałaŭskim. Chto jon?

Kupałaŭski teatr anansavaŭ premjeru śpiektakla «Žanićba». Jaho pastavić 26-hadovy režysior Daniił Filipovič.

Daniił Filipovič

«Žanićba» pavodle pjesy Mikałaja Hohala — pieršaja paŭnavartasnaja premjera ŭ Kupałaŭskim ŭ hetym siezonie. Dahetul teatr tolki adnaŭlaŭ svaje staryja śpiektakli: «Paŭlinku», «Viečar» i «Čornuju pannu Niaśviža».

U kułuarach kazali, što pastavić novyja śpiektakli ŭ Kupałaŭskim — a taksama zaniać pasadu mastackaha kiraŭnika — prapanoŭvali mnohim režysioram, ale ŭsie admovilisia.

Mastackim kiraŭnikom urešcie stała Volha Niafiodava, ale jana aktrysa, tamu novych śpiektaklaŭ tak i nie źjaviłasia.

Zhadziŭsia tolki Filipovič. Chto jon taki?

Pa nacyjanalnaści Daniił — azierbajdžaniec. Naradziŭsia ŭ 1994 hodzie. Skončyŭ Minski kaledž mastactvaŭ i Rasijskuju akademiju teatralnaha mastactva. Stvaryŭ teatr «Adkrytaja prastora» i try hady byŭ jaho kiraŭnikom.

Da niadaŭniaha času Filipovič pracavaŭ režysioram u Biełaruskim teatry junaha hledača, dzie pastaviŭ śpiektakl «Paloty ŭdvaich». Tam hučyć paezija Maksima Bahdanoviča i Ciotki.

Chadzili čutki pra jaho novyja pastanoŭki, dy hetaj viasnoj Daniił niečakana zvolniŭsia z TIUHa.

Taksama jon staviŭ u Paleskim teatry (pracuje ŭ Pinsku) i Homielskim moładzievym teatry.

Premjera ŭ Kupałaŭskim zapłavana na kaniec lipienia.

Z akcioraŭ, što pracavali ŭ teatry da žniŭnia, na scenu vyjduć Tamara Mironava, Tamara Nikałajeva-Apijok i Michaił Śvita.

Astatnija — navički.

U jakaści mastaka nad «Žanićbaj» budzie pracavać Alaksandr Kamianiec. Da 2017-ha jon pracavaŭ u Kupałaŭskim načalnikam mastacka-butaforskaha cecha, paźniej źjaŭlaŭsia mastakom cyrymonii adkryćcia i zakryćcia kinafiestyvalu «Listapad».

«Naša Niva» paprasiła kamientar u Filipoviča. Jon prahledzieŭ paviedamleńnie ŭ sacyjalnych sietkach, ale nie adkazaŭ na jaho.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ2

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ

Usie naviny →
Usie naviny

Pad Mahilovam znosiać niedabudavany chram, jaki abaraniali rasijskija čarnasociency11

Na Mazyrskim naftapierapracoŭčym zavodzie prajšli zatrymańni siarod kiraŭnictva3

Paŭdniovy ŭschod Biełarusi nakryvaje mocnaja bura2

Bambardzira-krakadziła i baleryna-kapučyna — adkul heta?3

Što sa školnaj ježy dzieciam padabajecca?1

Ministr Markaŭ zajaviŭ, što da 2020 hoda jany ciarpieli niezaležnyja miedyja, a ciapier nadzvyčaj patrebna cenzura25

Rakieta ź Jemiena ŭpała na terytoryi aeraporta Ben-Huryjon u Izraili5

Prync Hary prapanavaŭ baćku pamirycca, ale karol «razdražnieny i zły» nie adkazaŭ2

Łedzi Haha dała biaspłatny kancert u Rya-de-Žanejra dla 2 młn čałaviek5

bolš čytanych navin
bolš łajkanych navin

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ2

Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić