Pra heta napisała ŭ fejsbuku dačka Uładzimira Hundara sa spasyłkaj na advakata, jaki trapiŭ da jaho na spatkańnie ŭ SIZA.
«Vyśvietliłasia, što tatu z 25 červienia adpravili ŭ karcar na 10 dzion za admovu pramaŭlać frazu «schilny da ekstremizmu» … i h. d pa hetaj standartnaj farmuloŭcy. U karcary tata abviaściŭ haładoŭku, u jaho pavyšany cisk, 160 na siońniašni dzień.
Jak my zrazumieli, što, chutčej za ŭsio, nieabchodnyja jamu leki nie pradastaŭlajucca (a jamu patrebnyja na pastajannaj asnovie tabletki ad cisku i jašče ad jaho zachvorvańnia). Biez hetych tabletak u jaho znoŭ moža zdarycca hipiertaničny kryz, jaki jon užo pieranios u SIZA KDB, a taksama jość pahroza pazbavicca druhoj nahi».
Uładzimir Hundar — 60-hadovy baranavicki aktyvist i krajaznaŭca, były «afhaniec», invalid 2-j hrupy. 30 śniežnia 2020 paśla vobšuku jaho zabrali u SIZA KDB, pa abvinavačvańni pa artykule 289 KK («Akt teraryzmu»).
Uładzimier Hundar niekalki hadoŭ tamu pieranios składanuju apieracyju. Jamu amputavali nahu, jon maje hipiertaniju i sudzinnaje zachvorvańnie. Aktyvist užo šmat hadoŭ nosić pratez, ale padčas zatrymańnia jaho prymusili źniać. U turmie Hundar vymušany pierasoŭvacca na mylicach.
Ciapier čytajuć
Jaŭhien Dudkin patłumačyŭ, čamu staŭ sakretnym ahientam KDB16
Kamientary