Advakat bajca MMA Alaksieja Kudzina patłumačyła, čamu Rasija nie mieła prava vysyłać spartoŭca
«My ŭžo źviarnulisia ŭ pravaachoŭnyja orhany za aficyjnymi tłumačeńniami z hetaj nahody. Žonka Alaksieja Taćciana padała ŭ palicyju zajavu ab źniknieńni muža, a ja paviedamiła ŭ SK ab pieravyšeńni słužbovych paŭnamoctvaŭ supracoŭnikami pravaachoŭnych orhanaŭ, jakija ažyćciavili vydaču niahledziačy na pramuju zabaronu Jeŭrapiejskaha suda. Pakul što nijakich adkazaŭ my nie atrymali», — skazała Maryja Krasava ŭ intervju DW.
![](http://nashaniva.com/img/w840d4webp1/photos/z_2021_07/photo_2021-07-25192532-fbdue.jpeg.webp)
«JESPČ spasłaŭsia na praviła 39, u adpaviednaści ź jakim ekstradycyja zabaraniajecca da taho času, pakul sud nie prymie kančatkovaje rašeńnie. JESPČ, vyvučyŭšy našy dovady, što pieraśled Alaksieja byŭ palityčna matyvavanym, i pra toje, što ŭ Biełarusi jon padviarhaŭsia katavańniam, pryniaŭ rašeńnie ab nieabchodnaści pravierki źviestak.
Dokazy taho, što ŭ dačynieńni da Alaksieja prymianiali katavańni, byli ŭ materyjałach kryminalnaj spravy ŭ Biełarusi, jakuju nam udałosia atrymać. Tam i ranieńni humovymi kulami, i strasieńnie mozhu, i prymianieńnie śvietłašumavych śpiecsrodkaŭ — usie katavańni paćvierdžanyja. JESPČ vyznačyŭ termin da 10 žniŭnia — da hetaha času RF pavinna była padać dakumienty, na padstavie jakich Jeŭrapiejski sud zmoh by vyvučyć abhruntavanaść pastanovy ab vydačy. Zabarona na ekstradycyju była da 17 žniŭnia. Ale Rasija heta rasparadžeńnie JESPČ praihnaravała», — raspaviała advakatka.
Nahadajem, 21 lipienia apielacyjny sud u Maskvie pakinuŭ u sile rašeńnie ab vydačy biełaruskaha spartoŭca Biełarusi, niahledziačy na toje, što Jeŭrapiejski sud pa pravach čałavieka zabaraniŭ ekstradycyju Alaksieja, spasłaŭšysia na pierakanaŭčyja dovady jahonaj abarony.
Siamji pastupiła infarmacyja, što nočču 21 lipienia Alaksiej na samalocie prybyŭ u Minsk. U Biełarusi jaho abvinavačvajuć u supracivie milicyi, jon prymaŭ udzieł u pratestach u Maładziečnie, u metach biaśpieki źbieh z krainy.
-
«Ci nie zašmat vy na siabie ŭziali?» Cichanoŭskaja adkazała na vostryja pytańni pra status Nacyjanalnaj lidarki
-
«Vialiki čałaviek dla biełarusaŭ». Łukašenku paprasili nazvać vulicu ŭ Minsku ŭ honar savieckaha maršała
-
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii
Kamientary