Namieśnik hubiernataha Homielskaj vobłaści pra kavid: Indyjski štam užo jość u Homieli, heta try dni — i ŭ reanimacyju
Na Homsielmašy prajšła sustreča z namieśnikam Homielskaha abłvykankama Uładzimiram Pryvałavym. U časie hutarki z rabotnikami pradpryjemstva zajšła havorka i pra kavid.
«Raniejšaha žyćcia — svabodnaha, lohkaha, radasnaha — užo nie budzie. U niekatorych krainach susiedzi pierastali razmaŭlać z susiedziami, svajaki — sa svajakami. My ž pajšli inšym šlacham. Dziakujučy prezidentu, my pajšli pa šlachu raźniavoleńnia. Stali čaściej byvać na śviežym pavietry, vykarystoŭvać achoŭnyja maski, vakcynavacca. My nie zahnali našych ludziej u pamiaškańni. Dziakujučy, u tym liku, i hetym mietadam nam udałosia źnizić kolkaść ludziej, jakija zachvareli. Što da samoj pandemii, to jana nikudy nie syšła i nie sydzie. I kali chtości da hetaha času dumaje, što heta jaho nie zakranie, jon pamylajecca.
Uziać, da prykładu, indyjski štam. Kali tydni dva tamu jon tolki źjaviŭsia ŭ Indyi, to siońnia ŭžo jość u Homieli. Kali kazać niemiedycynskaj movaj, indyjski štam — heta try dni —i ŭ reanimacyju. Jak vyratavacca? Adkaz adzin: treba pryščaplacca», — skazaŭ namieśnik hubiernatara.
Pryvałaŭ vykazaŭ niezadavolenaść tym, što vakcynacyja idzie vielmi pavolna.
«Dziesiać adsotkaŭ ad ahulnaj kolkaści rabotnikaŭ — heta vielmi mała. Jak z takimi ličbami vy źbirajeciesia supraćstajać indyjskamu štamu? Zrazumiejcie, treba stvaryć kalektyŭnuju prasłojku. A kab jana ŭ Homielskaj vobłaści zapracavała, nieabchodna pryščapić 820 tysiač čałaviek. Siońnia hetaja ličba składaje ŭsiaho tolki 200 tysiač čałaviek. Heta značyć pa vakcynacyi my jašče tolki ŭ pačatku šlachu. I kali siońnia pradpryjemstvy, asabliva sielskahaspadarčyja, buduć nas ciahnuć nazad, my z pandemijaj nie spravimsia. Načytajucca ŭ internecie roznych zdahadak adnosna pryščepak, potym pačynajuć abmiarkoŭvać. Sielmašaŭcy, vy ž razumnyja ludzi! Nie viercie hetym fejkam! Dla čaho jany robiacca? Dla taho, kab vyjhrać baraćbu ŭ vysokaprybytkovym biznesie. Ale ludzi ž nie razumiejuć, što za kožnym ukidam staić ich žyćcio», — miarkuje Pryvałaŭ.
Kamientary