Pravaabaroncy praanalizavali situacyju z pravami čałavieka ŭ Biełarusi ŭ lipieni.
Na praciahu miesiaca sudami byli vyniesienyja prysudy ŭ dačynieńni da prynamsi 107 čałaviek pa palityčna matyvavanych kryminalnych spravach.
U miescach niesvabody znachodziacca 604 palitviaźniaŭ; ich kolkaść praciahvaje pavialičvacca.
14 lipienia zatrymanyja i źmieščanyja pad vartu jašče troje siabraŭ PC «Viasna»: staršynia arhanizacyi Aleś Bialacki, siabra Rady PC «Viasna», vice-prezident Mižnarodnaj fiederacyi za pravy čałavieka (FIDH) Valancin Stefanovič, juryst, kaardynatar kampanii «Pravaabaroncy za svabodnyja vybary» Uładzimir Łabkovič. Akramia ich u SIZA znachodziacca kaardynatarka vałanciorskaj słužby «Viasny» Marfa Rabkova, siabra PC «Viasna», kiraŭnik Centra stratehičnaj ciažby Leanid Sudalenka, vałanciory «Viasny» Taćciana Łasica i Andrej Čapiuk. Jašče niekalki siabraŭ arhanizacyi ŭ lipieni byli zatrymanyja na roznyja terminy. Palityki i pravaabaroncy, mižnarodnyja pravaabarončyja arhanizacyi vystupili z rezkaj krytykaj ataki uładaŭ na arhanizacyi hramadzianskaj supolnaści i ŭ pryvatnaści na PC «Viasna» i jaho supracoŭnikaŭ.
U izalatarach i kałonijach praciahvajuć utrymlivacca nie mienš jak 26 žurnalistaŭ i supracoŭnikaŭ ŚMI.
Na praciahu lipienia ŭładami ŭ administracyjnym paradku byli likvidavanyja bolš za 50 niekamiercyjnych arhanizacyj, a ŭ dačynieńni da šerahu hramadskich arhanizacyj raspačaty praces pazbaŭleńnia rehistracyi ŭ sudach.
Usiaho za lipień sudami nakładziena nie mienš jak 27 štrafaŭ na ahulnuju sumu 1809 bazavych vieličyń (kala 52,5 tysiač rubloŭ) i nie mienš jak 58 administracyjnych aryštaŭ ahulnaj praciahłaściu ŭ 932 sutak. Majucca źviestki ab zatrymańni nie mienš jak 327 čałaviek.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA2
Kamientary