Padčas vajny ź Iranam amierykanski źniščalnik F-35, vierahodna, upieršyniu ŭ historyi moh być paškodžany ahniom praciŭnika. Pavodle infarmacyi CNN, atrymanaj ad dźviuch krynic, samalot atrymaŭ paškodžańni padčas bajavoj misii nad terytoryjaj Irana i byŭ vymušany ździejśnić avaryjnuju pasadku na amierykanskaj bazie na Blizkim Uschodzie. Piłot pry hetym nie paciarpieŭ, a abstaviny zdareńnia ciapier vyvučajucca.
Jość źviestki, što samalot moh być padbity iranskimi srodkami supraćpavietranaj abarony. Iranskija vajskoŭcy taksama zajavili, što im udałosia trapić u hety źniščalnik i nanieści jamu surjoznyja paškodžańni.
Hety vypadak moža stać pieršym, kali Iran zdoleŭ parazić amierykanski samalot u miežach ciapierašniaha kanfliktu, jaki pačaŭsia naprykancy lutaha. Raniej ZŠA, praŭda, stracili try samaloty, ale ŭsie ich pamyłkova źbiła SPA Kuviejta.
Incydent adbyŭsia na fonie zajaŭ ZŠA pra paśpiachovy chod vajennaj apieracyi i śćviardžeńniaŭ, što iranskaja supraćpavietranaja abarona była značna asłablenaja.
Źniščalniki F-35, košt jakich pieravyšaje 100 miljonaŭ dołaraŭ za adzinku, vykarystoŭvajucca ŭ bajavych dziejańniach jak ZŠA, tak i Izrailem. Raniej jany ŭdzielničali ŭ apieracyjach u inšych krainach, ale vypadkaŭ ich źbićcia praciŭnikam da hetaha času nie fiksavałasia — byli tolki asobnyja avaryi z techničnych pryčyn abo z-za pamyłak piłotaŭ.
Prezident Irana paćvierdziŭ hibiel ministra raźviedki
Kaja Kałas: Jeŭropa sprabavała adhavaryć Trampa ad kanfliktu ź Iranam, ale ZŠA ź ES nie kansultavalisia
Novy lidar Irana adchiliŭ prapanovy ZŠA ab spynieńni vajny
Tramp zaklikaŭ Iran i Izrail spynić udary pa naftahazavych radoviščach
Tramp pahražaje ŭzarvać hazavaje radovišča Paŭdniovy Pars, kali Iran atakuje Katar
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja19
Kamientary
Pracavali z pavietranaj prastory nad moram i susiednich krain.
Usie kadry AK źniatyja rypierami i inšymi bpła, jakich źbili ŭžo davoli vialikuju kolkaść.
A tak kaniečnie... Što lataje toje i padaje.
Heta jak z ajChfonami kožny novy daražej ź niezrazumiełymi pribambasami .