100 jeŭra za kubamietr: Biełaruś uvodzić ekspartnaje myta na lesamateryjały i pradukcyju drevaapracoŭki
Adpaviedny ŭkaz №305 ad 5 žniŭnia byŭ aficyjna apublikavany na Nacyjanalnym pravavym internet-partale i ŭstupaje ŭ siłu praz 10 dzion.
Ekspartnaje myta ŭviedziena na vyvaz lesamateryjałaŭ i pradukcyi drevaapracoŭki za miežy mytnaj terytoryi JEAES. Vyznačanyja ŭkazam staŭki mytnych pošlin buduć dziejničać pa 31 śniežnia 2021 hoda. Zroblena vyklučeńnie dla pastavak u Azierbajdžan, Hruziju, Małdovu, Tadžykistan, Uźbiekistan, Turkmienistan i Ukrainu. Ekspart u hetyja krainy nie budzie abkładacca mytam.
Z 1 studzienia 2022 hoda staŭki pošlin budzie ŭstaloŭvać Saŭmin. Značnaja častka źmiestu ŭkaza nie publikujecca. Jana maje paznaku «dla słužbovaha karystańnia».
Staŭki pošlin vyznačany ŭ pamiery 100 jeŭra za kubamietr, albo ad 2%, 5% i 6,5% ad mytnaha koštu, u zaležnaści ad vidu lesamateryjałaŭ i pradukcyi drevaapracoŭki.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3434
Kamientary