Ranicaj u subotu ŭ Žabincy supracoŭniki ŭnutranych spraŭ zatrymali 24-hadovaha Dźmitryja Šutava — syna zahinułaha 11 žniŭnia minułaha hoda Hienadzia Šutava. Pra heta Zerkalo.io paviedamili blizkija mužčyny.
Kala siami ranicy ŭ dom, dzie pražyvaje Dźmitryj Šutaŭ z mamaj, pryjšli supracoŭniki orhanaŭ unutranych spraŭ.
— Mnie mama napisała paviedamleńnie, što byŭ pieratrus (pakul nieviadoma, ci pravodzili ŭ domie Šutava pieratrus abo ahlad — zaŭv. red.) i Dzimu zatrymali. Abšukali ŭvieś dom, potym skazali, što zabiaruć jaho ŭ RAUS dla hutarki. Jaho zabrali, a potym jon patelefanavaŭ i skazaŭ, što na troje sutak [zatrymlivajuć], — raspaviadaje Anastasija, siastra Dźmitryja. — My taksama patelefanavali, spytali, dzie jon znachodzicca, nam skazali, što jon jedzie ŭ Leninski RAUS z Žabinki i što jon nie adzin, a ź im jašče čatyry čałavieki. Nam skazali potym, što 15 čałaviek z Žabinki zatrymali.
Što było napisana ŭ pastanovie na pieratrus abo ahlad, rodnyja Dźmitryja dakładna nie viedajuć, tamu što nie zmahli ŭvažliva razhledzieć papieru. Pa słovach Anastasii, u pastanovie havaryłasia ab tielehram-kanale, jaki pryznany ŭładami ekstremisckim.
Dźmitryja raniej nie zatrymlivali, kaža siastra. Da niadaŭniaha času jon pracavaŭ achoŭnikam u hipiermarkiecie ŭ Breście, a niadaŭna ŭładkavaŭsia na novuju pracu. Ale da zatrymańnia paśpieŭ tam adpracavać tolki dva dni.
— My navat nie viedajem, jak na jahonuju pracu patelefanavać i paviedamić, što jon nie vyjdzie na pracu.
Nahadajem, 11 žniŭnia ŭ Breście 44-hadovy ŭdzielnik pratestaŭ Hienadź Šutaŭ byŭ paranieny siłavikom. Tady ŭ MUS zajaŭlali, što milicyja stralała ŭ pratestoŭcaŭ u Breście z ahniastrelnaj zbroi na paražeńnie, tłumačačy heta pahrozaj žyćciu i zdaroŭju siłavikoŭ. Adzin ź siłavikoŭ trapiŭ Hienadziu Šutavu ŭ hałavu. Praz tydzień mužčyna pamior u vajennym špitali Minsku.
Praz paŭhoda zahinuły prachodziŭ abvinavačanym pa kryminalnym artykule. 25 lutaha sudździa Śviatłana Kramianieŭskaja pryznała zahinułaha vinavatym u «supracivie z užyvańniem hvałtu». Paciarpiełymi pa spravie prachodzili vajskoŭcy vajskovaj častki ŭ Marjinaj Horcy kapitan Raman Haŭryłaŭ i praparščyk Arsienij Halicyn. Alaksandra Kardziukova, jaki ŭviečary 11 žniŭnia byŭ razam z Šutavym, asudzili na 10 hadoŭ pazbaŭleńnia voli. Na sudzie jon kazaŭ, što paciarpiełyja ŭ toj dzień byli biez formy, nie pradstaŭlalisia i nie pradjaŭlali dakumienty.
Ciapier čytajuć
Dziaržaŭnaja rajonka apublikavała zdymak Kačanavaj biez retušy. Heta značna adroźnivajecca ad taho, što my pryvykli bačyć14
Dziaržaŭnaja rajonka apublikavała zdymak Kačanavaj biez retušy. Heta značna adroźnivajecca ad taho, što my pryvykli bačyć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3434
Kamientary