Dziaržsakratar Rady biaśpieki: Pry nieabchodnaści dla abarony pryciahniem kambajnieraŭ i chlebarobaŭ
Pra heta zajaviŭ dziaržaŭny sakratar Rady biaśpieki Alaksandr Valfovič, kamientujučy kompleksnaje apieratyŭna-taktyčnaje vučeńnie, što pravodzicca z Hrodzienskaj pahranhrupaj.
«Asablivaściu vučeńnia źjaviłasia toje, što adpracoŭvalisia zadačy pa błakavańni, pošuku, vyjaŭleńni, źniščeńni niezakonnaha ŭzbrojenaha farmiravańnia, jakoje prarvałasia praź dziaržmiažu, sumiesna z Uzbrojenymi siłami. Pamiežnaj hrupie była prydadziena adna z motastrałkovych rot 6-j asobnaj miechanizavanaj bryhady. My siońnia bačyli, jak zładžana dziejničali pamiežniki sumiesna z padraździaleńniami Uzbrojenych sił», — cytuje jaho telehram-kanał Minabarony.
«Razmaŭlajučy z vajennaabaviazanymi pryjemna bačyć, što ŭ ich jość razumieńnie, dla čaho ich zaklikali, što akramia nas, mužykoŭ, jakija pavinny abaraniać svaju krainu, nichto hetaha nie zrobić.
Viadoma, nie chaciełasia b, kab dachodziła da taho, kab my adryvali ad pracy kambajnieraŭ, chlebarobaŭ, rabočych pradpryjemstvaŭ, — dla hetaha jość kadravyja padraździaleńni, u tym liku i pamiežnaj słužby. Ale kali budzie niejkaja nieabchodnaść i niejkaja niebiaśpieka budzie pahražać krainie, my vykanajem zadačy pa abaronie krainy», — skazaŭ Alaksandr Valfovič.
Kamientary