«Chutkaja jechała hadzinu». Što viadoma pra śmierć trochhadovaha dziciaci pad Starymi Darohami
U ahraharadku Siniahova 22 žniŭnia zahinuła trochhadovaje dzicia. Pryčynaj staŭ udar tokam. Siamja znachodzicca ŭ sacyjalna niebiaśpiečnym stanoviščy, paviedamili ŭ SK. «Raniej pili, ciapier nie viedaju», — kaža znajomy siamji.
Uładzimir i Kłaŭdzija hadavali čaćviarych dziaciej. Starejšamu 16, samamu małodšamu — 3 hady.
«Maci tam pje dakładna. Žorstka pje. Byŭ čas, kali navat dziaciej zabirali ŭ prytułak, jaje pazbaŭlali baćkoŭskich pravoŭ, ale jana paśla kadziravałasia i małych viartali, — raskazvaje adnaviaskoviec. — Kali jaje ŭ pieršy raz pazbavili pravoŭ, jany z mužam navat nie byli jašče raśpisanyja, Uładzimiru pryjšłosia rabić test na baćkoŭstva, kab dazvolili ŭziać dziaciej da siabie.
Ci pje Uładzimir, ja nie viedaju. Ale jaho baćki taksama pili ŭsio žyćcio. Što tam vyraście, hledziačy na takoje z malenstva?
Dzieci ŭ ich sami pa sabie zaŭsiody. Naprykład, baćka na pracy, a maci moža źniknuć na huli na tydzień.
Mienšych apošnim časam dahladali baćki Uładzimira. Zdajecca, jany mienš stali pić, časta bačyŭ, jak vadzili dziaŭčynku ŭ sadzik. Ale što tam ciapier u ich — nie viedaju».
«Naša Niva» pasprabavała źviazacca z Uładzimiram ci Kłaŭdzijaj, ale słuchaŭku źniaŭ starejšy syn. Jon paviedamiŭ, što maci i baćka nie ŭ stanie razmaŭlać. Junak raspavioŭ, što maci z baćkam byli na pracy, dzieci sami doma.
«Rezka zakryčała małodšaja siastra, paklikała brata. My pryjšli, mały lažaŭ kala kałonki. Jaho adkinuła na 10 mietraŭ. Što tam zdaryłasia — nichto nie bačyŭ. Raniej jaho niejak udaryła tokam taja ž kałonka, z taho času jon nie padychodziŭ da jaje. Navat kali chacieŭ vady — prasiŭ u nas.
Chutkuju vyklikali, mały byŭ biez prytomnaści. Ja prasiŭ, kab daktary jechali chutčej, ale jany jechali hadzinu. Pryjechali — i kanstatavali śmierć».
Śledčy kamitet pravodzić pravierku pa fakcie śmierci dziciaci. Pachavajuć jaho zaŭtra, 24 žniŭnia.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach17
Kamientary