Zamiaščalnik soli moža vyratavać tysiačy ludziej ad insultaŭ i sardečnych prystupaŭ
Pra heta śviedčyć novaja praca kitajskich navukoŭcaŭ.
Zamiaščalnik soli — heta sumieś, zasnavanaja na salach natryju, kaliju, jodu i mahniju, jakuju možna vykarystoŭvać u kulinaryi zamiest zvykłaj nam soli. Raniej vučonyja vyjavili suviaź pamiž užyvańniem takich zamiaščalnikaŭ i źnižeńniem patałahična vysokaha kryvianoha cisku. Ale novaja praca daśledčykaŭ pakazvaje, što ich užyvańnie taksama moža źnizić ryzyku insultu i sardečnaha prystupu.
U daśledavańni pryniali ŭdzieł bolš za 20 tysiač žycharoŭ pravincyjalnaha Kitaja. Usie jany abo pieražyli raniej insult, abo mieli vysoki kryviany cisk i pry hetym znachodzilisia va ŭzroście bolš za 60 hadoŭ. Pałova ź ich u ramkach daśledavańnia na praciahu piaci hadoŭ užyvali zamiaščalnik soli, jaki na 70% składaŭsia z chłaryda natryju i na 30% — z chłaryda kaliju. Druhaja pałova respandentaŭ praciahvała ŭžyvać zvyčajnuju sol, to-bok čysty chłaryd natryju, piša Daily Mail.
Vyśvietliłasia, što ŭ tych, chto ŭžyvaŭ zamiaščalnik soli, vierahodnaść atrymać insult ci sardečny prystup była na 14% nižejšaja, čym u druhoj katehoryi respandentaŭ. Ekśpierty ličać, što takija danyja — jašče adzin napamin pra toje, što źnižać kolkaść soli ŭ racyjonie — karysna dla zdaroŭja.
Adnak atrymanyja ŭ pravincyjalnym Kitai danyja mohuć nie padyści žycharam raźvitych krain. U takich krainach ludzi spažyvajuć šmat apracavanaj ježy, jakaja ŭžo źmiaščaje ŭ siabie niamała soli. Kitajskija sialanie, naadvarot, dadajuć sol u ježu padčas hatavańnia. Tamu było b karysna ŭžyvać zamiaščalnik soli nie tolki pry hatavańni ŭ chatnich umovach, ale i ŭ charčovaj industryi.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary