Pravaabaroncy pryznali palitviaźniami 11 rabočych roznych pradpryjemstvaŭ, jakich zatrymali pa spravie «Rabočaha ruchu». Ahulnaja kolkaść palityčnych źniavolenych — 702 čałavieki. Jašče 30 lipienia ŭ krainie ich było 600, to-bok za dva miesiacy ich kolkaść vyrasła na sotniu.
Śpis novych palitviaźniaŭ Biełarusi:
- Siarhiej Šelest, były aparatčyk cecha «Amijak-3»;
- Andrej Pahieryła, były ślesar-ramontnik cecha «Amijak-3»;
- Uładzimir Žuraŭka, były apieratar DPK cecha «Amijak-3»;
- Valancin Cieranievič, pamočnik majstra na zavodzie «Chimvałakno», namieśnik staršyni Biełaruskaha niezaležnaha prafsajuza «Hrodna Azota»;
- Dźmitryj Jelisiejeŭ, supracoŭnik BMZ;
- Śviatłana Zyl, byłaja supracoŭnica BMZ;
- Alaksandr Hašnikaŭ, supracoŭnik BMZ;
- Siarhiej Dziuba, Biełaruskaja čyhunka;
- Maksim Sakovič, staršy enierhadyśpietčar Biełaruskaj čyhunki;
- Hanna Abłab, Biełaruskaja čyhunka;
- Alaksandr Kapšul, były juryskonsult AAT «Naftan», zavoda «Palimir».
Pavodle infarmacyi pravaabaroncaŭ, jany zatrymanyja pa padazreńni ŭ zdradzie dziaržavie. Niekatoryja zatrymanyja padazrajucca ŭ zmovie ci inšych dziejańniach, učynienych z metaj zachopu dziaržaŭnaj ułady. Taksama dziaržaŭnyja ŚMI paviedamili pra zaviadzieńnie kryminalnaj spravy za stvareńnie ekstremisckaha farmavańnia: zatrymańni źviazvajuć ź dziejnaściu arhanizacyi «Rabočy ruch», pryznanaj uładami ekstremisckaj.
Kamientary