Masavyja evakuacyi pa krainie: «zaminiravany» ŭniviersitety, škoły, pradpryjemstvy
Ciaham dnia prychodzić infarmacyja pra «miniravańni» ŭ Minsku i haradach krainy ŭniviersitetaŭ, hatelaŭ, pradpryjemstvaŭ, a taksama biełaruskich dypłamatyčnych pradstaŭnictvaŭ.
Paviedamleńni ab miniravańni pastupili na šerah fakultetaŭ BDU, u Pieduniviersitet, Ekanamičny ŭniviersitet, Ahrarny ŭniviersitet, Licej BDU, niekatoryja škoły, hatel «Maryjot», zavod «Intehrał», Dom futboła na praśpiekcie Pieramožcaŭ, akvaparka «Frystajł».
Čytačy paviedamlajuć pra «miniravańnie» stadyjona «Dynama», škoły ŭ Baranavičach, Kamianieckaha rajvykankama, niekalkich škoł u Breście. Pravodzicca evakuacyja navučencaŭ i rabotnikaŭ.
«Niedzie ŭ 13.10 u aŭdytoryju zajšoŭ achoŭnik, skazaŭ, usim źbiracca i vychodzić, jość pahroza padryvu budynka. Paśla praz 10 chvilin padjechała mašyna milicyi, vyjšli supracoŭniki ŭ zvyčajnaj formie, za imi dvoje ŭ šlemach i broniekamizelkach», — apisvajuć situacyju na fizfaku BDU.
«Filijał Centra ekśpiertyz i vyprabavańniaŭ ŭ achovie zdaroŭja, jaki bazujecca ŭ łabaratornym korpusie mieduniviersiteta, pačali ekakujavać a 14-j hadzinie», — kažuć supracoŭniki.
«U mianie dačka — studentka BDEU. Dazvaniłasia ŭ Zavodskaje RUUS, tam skazali, što na praciahu piać chvilin atrymali paviedamleńni ab zakładzienych vybuchovych pryładach u 10 škołach», — piša čytačka.
Aŭstryjskaja palicyja pravodziła śpiecapieracyju na terytoryi pasolstva Biełarusi ŭ Vienie z-za paviedamleńnia ab pahrozie dypmisii. Paviedamleńnie akazałasia iłžyvym.
U milicyi zaznačajuć, što paviedamleńni ab nibyta zakładzienych vybuchovych pryładach pastupili na elektronnuju poštu, i nahadvajuć, što raniejšyja nieadnarazovyja paviedamleńni ab niebiaśpiecy nie paćvierdzilisia.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary