Hramadstva

U Viciebsku sudzili jevanhielskuju carkvu — za humanitarnuju dapamohu dla invalidaŭ

Cud Kastryčnickaha rajona Viciebska 4 listapada razhledzieŭ administracyjnuju spravu ŭ dačynieńni da jevanhielskaj carkvy z Novałukomla. Viciebskaja mytnia, jakaja inicyjavała razbor, paličyła, što jaje pradstaŭniki niapravilna ŭkazali handlovuju marku niekatorych tavaraŭ i chacieli pryciahnuć abščynu da adkaznaści pa č.3 art. 15.5 KaAP (padavańnie niedakładnych źviestak ab tavarach). Sudździa sprabavaŭ dabicca ad mytnikaŭ, jakaja roźnica ŭ nazvach handlovych marak, kali humanitarnaja dapamoha nie abkładajecca mytami.

Spravu razhladaŭ sudździa Uładzimir Carykaŭ. Zhodna z pratakołam, 15 traŭnia 2021 hoda relihijnaja abščyna «Jevanhielskaja carkva ŭ horadzie Novałukoml» padała dla mytnaha dekłaravańnia zborny hruz, jaki pastupiŭ na adras carkvy sa Šviecyi ŭ jakaści humanitarnaj dapamohi, dapuściŭšy niedakładnaje ŭkazańnie źviestak pra handlovyja marki, paviedamlajuć pravaabaroncy.

«Aliŭkavy alej, kava, kandytarskija vyraby, muka, cukar, masła, mebla, palčatki, miakkaja cacka, kanctavary, aŭtafatel, čaj «Liptan», piečyva, adzieńnie, abutak, kalaska invalidnaja, śviacilnik…» — pieraličvaŭ sudździa Carykaŭ. U dekłaracyi było bolš za 30 najmieńniaŭ tavaraŭ, jakija vyzvalalisia ad vypłaty padatkaŭ i zboraŭ jak humanitarny hruz.

Sudździa pacikaviŭsia ŭ pradstaŭnika mytni, «ci mahło paŭpłyvać niapravilnaje ŭkazańnie źviestak ab tavarnaj marcy ŭ hetaj dekłaracyi na pamier i paŭnatu płaciažoŭ, jakija spahaniajucca, z ulikam prefierencyjaŭ, z hetaha tavaru».

Hałoŭny inśpiektar adździeła mytnych płaciažoŭ viciebskaj mytni Vadzim Bandarenka zrazumiełaha adkazu tak i nie daŭ. Spasłaŭsia adno na dekret prezidenta № 3 ad 2020 hodu «Ab zamiežnaj biazvypłatnaj dapamozie» dy inšyja zakanadaŭčyja akty i zajaviŭ, što tearetyčna heta mahło paŭpłyvać na pamier pošliny, ale ŭ realnaści — nie paŭpłyvała. Skazaŭ, što «hetyja tavary nie adpaviadajuć tym tavaram, jakija ŭzhadnialisia kiraŭnictvam spravami i departamientam pa humanitarnaj dziejnaści».

Pastar jevanhielskaj carkvy Alaksandr Zarecki paviedamiŭ, što častku tavaru mytnia prapuściła, a častka zastałasia na składzie.

«Z pratakoła, jaki skłała mytnia, nie ŭsie tavary trapili ŭ dekłaracyju, častku tavaru advieźli ŭ Oršu na skład. Advieźli, tamu što skončyŭsia termin časovaha kantrolu, adnosna ich nie prymałasia rašeńniaŭ, i jany nie vypuščanyja», — patłumačyŭ pastar.

«Niejkija zachady ŭ dačynieńni da hetaha tavaru vy hatovyja rabić?» — pacikaviŭsia sudździa. «My ničoha nie budziem rabić: ni zabirać, ni razmytniać — niachaj jany zastajucca», — adkazaŭ pastar Alaksandr.

Pradstaŭnik mytni Bandarenka papiaredziŭ, što kali nie buduć zroblenyja zachady, to tavar piarojdzie na karyść dziaržavy i ŭ dalejšym budzie «puščany ŭ realizacyju praz handlovuju sietku».

Šviedskaja arhanizacyja, jakaja adpraviła hruz, patłumačyła, što «humanitarny hruz u Respubliku Biełaruś pryznačaŭsia dla dapamohi šmatdzietnym i niapoŭnym siemjam, piensijanieram i invalidam». 

Sudździa Uładzimir Carykaŭ pryniaŭ rašeńnie jevanhielskuju carkvu vyzvalić ad administracyjnaj adkaznaści z pryčyny małaznačnaści ŭčynienaha pravaparušeńnia. A administracyjnuju spravu spyniŭ.

U viciebskaj mytni jość mahčymaść abskardzić rašeńnie ŭ abłasnym sudzie.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Juraś Ziankovič raskazaŭ pra svajo vyzvaleńnie i šlach u ZŠA6

Juraś Ziankovič raskazaŭ pra svajo vyzvaleńnie i šlach u ZŠA

Usie naviny →
Usie naviny

Ataki ŭkrainskich dronaŭ pryviali da chaosu ŭ rasijskich aeraportach3

Marazy nie spyniajucca. Znoŭ štarmavoje papiaredžańnie praź ich2

Minadukacyi skarektavała prajekt pastanovy ab repietytarach1

U Połackim rajonie milicyjaniery spyniali pjanaha traktarysta strełami pa kołach

Ziankovič pra Vieramiejčyka: Užyvali fizičny hvałt, kab prymusić jaho skazać na BT toje, što chočuć pačuć12

U Minsku hatovyja płacić 2000 rubloŭ u miesiac za pajadańnie picy1

Premjer Kanady — Trampu: Kanada nie pradajecca1

Što viadoma pra byłoha kalinoŭca Vasila Hračychu, jaki trapiŭ u ruki biełaruskaha KDB?4

Siońnia ŭ Vatykanie pačynajecca kankłaŭ kardynałaŭ. Budzie abrany novy Papa

bolš čytanych navin
bolš łajkanych navin

Juraś Ziankovič raskazaŭ pra svajo vyzvaleńnie i šlach u ZŠA6

Juraś Ziankovič raskazaŭ pra svajo vyzvaleńnie i šlach u ZŠA

Hałoŭnaje
Usie naviny →

Zaŭvaha:

 

 

 

 

Zakryć Paviedamić