Praz pratest prakuratury žančynie za kamientaryj prysudzili realnuju «chimiju» zamiest chatniaj
Homielski abłasny sud razhledzieŭ pratest prakuratury na prysud žycharcy Homiela, 49-hadovaj Natalli. Jana była pakaranaja sudom Savieckaha rajona hodam «chatniaj chimii» za kamentaryj u Telehramie. Abłasny sud zadavoliŭ pratest prakuratury i zrabiŭ pakarańnie bolš žorstkim, piša «Radyjo Svaboda».
Ciapier zamiest hoda «chatniaj chimii» Natalli pryznačyli dva hady realnaj — abmiežavańnia voli z nakiravańniem va ŭstanovu adkrytaha typu.
Rašeńnie pa kryminalnaj spravie za «abrazu pradstaŭnika ŭłady» (milicyjanta sa Śvietłahorska Alaksandra Pieraviadziencava) vynies 6 kastryčnika sudździa Vital Kaŭbienia.
Sprava tyčyłasia kamientaryja ŭ adnym z telehram-kanałaŭ, jaki pryznany ekstremisckim. Tam uvosień 2020 hoda Natalla pakinuła kamientaryj pad zdymkam milicyjanta sa Śvietłahorska. Jana tłumačyła na sudzie, što nie viedała, što telehram-kanał źjaŭlajecca «destruktyŭnym» ci ekstremisckim.
Prakuratura prasiła pakarać žycharku Homla 2 hadami «chimii». Paciarpieły milicyjant acaniŭ svaje maralnyja pakuty ŭ 3 tysiačy rubloŭ. Sudździa źmienšyŭ sumu maralnaj kampensacyi da 700 rubloŭ. Paśla suda Natalla spłaciła hetyja hrošy paciarpiełamu.
Tym nie mienš namieśnica prakurora Homiela Iryna Kurbackaja paličyła, što pakarańnie zanadta miakkaje i apratestavała rašeńnie suda. Abłasny sud pahadziŭsia z prakuraturaj. Ciapier Natalla musić jechać na «chimiju» na dva hady.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary