Zabarona na vydaču valutnych kredytaŭ nie paciahnie paharšeńnia ŭmoŭ kredytavańnia dla nasielnictva,
zajaviŭ u intervju BiełaPAN načalnik adździeła kamiercyjnych i finansavych instrumientaŭ Nacyjanalnaha banka Alaksiej Nazaraŭ.
«Heta pamyłkovaja dumka, što z‑za hetaha staŭki pa kredytach u biełaruskich rublach pavysiacca», — adznačyŭ jon. Nazaraŭ rastłumačyŭ, što niepasredna staŭki pa kredytach u biełaruskich rublach nie źviazany sa staŭkami pa valutnych kredytach. Jany zaležać ad koštu pryciahnutych bankami resursaŭ, u tym liku depazitaŭ u nacyjanalnaj valucie. Akramia taho, adznačyŭ śpiecyjalist, «pavodle rekamiendacyi Nacbanka ŭžo z Novaha hoda pieravažnaja bolšaść bankaŭ prypynili kredytavańnie ŭ zamiežnaj valucie. A tyja, što praciahvali ich vydavać, uzmacnili patrabavańni da atrymalnikaŭ kredytaŭ pa sumach kredytaŭ». U vyniku da hetaha času zastaŭsia vielmi nievialiki siehmient valutnaha kredytavańnia nasielnictva, kanstatavaŭ Nazaraŭ.
Adnosna pracentnych stavak pa novych vydadzienych kredytach pradstaŭnik Nacbanka skazaŭ, što ŭ červieni siarednija poŭnyja staŭki pa valutnych kredytach nasielnictvu skłali pryblizna 18% hadavych, pa kredytach u biełaruskich rublach — 22%. «Roźnica nie vielmi vialikaja. A z ulikam ryzykaŭ uzajemnych vahańniaŭ kursaŭ jeŭra i dołara na valutnym rynku, kredyty ŭ biełaruskich rublach bolš vyhadnyja», — skazaŭ jon.
Jak raniej paviedamlaŭ BiełaPAN, u adpaviednaści z pastanovaj Nacbanka № 105 u Biełarusi 29 lipienia ŭvodzicca zabarona na kredytavańnie bankami nasielnictva ŭ zamiežnaj valucie, jakaja budzie dziejničać da 1 studzienia 2011 hoda. Zabarona tyčycca i vydzialeńnia novych častak (tranšaŭ) kredytu pa adkrytych raniej kredytnych linijach, u tym liku adnaŭlalnych. Abmiežavańni pa ovierdraftnym kredytavańni pa raniej zaklučanych kredytnych dahavorach nabyvajuć moc praź miesiac paśla apublikavańnia pastanovy Nacbanka (28 žniŭnia).
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary