U Breście pačali sudzić 11-ju hrupu pa «karahodnaj spravie». Pa joj užo asudzili bolš za sto čałaviek
Čarhovuju častku «karahodnaj spravy» pačali razhladać u Maskoŭskim sudzie Bresta 1 śniežnia. Na łavie padsudnych hetym razam znachodzicca 12 čałaviek.
Śpis abvinavačanych:
- Alaksandr Badaviec,
- Maryna Ušyŭkava,
- Barys Hałanin,
- Uładzimier Harbaviec,
- Ihar Hrabinski,
- Kirył Daraščuk,
- Anastasija Žukaviec,
- Dźmitryj Kapyłoŭ,
- Michaił Lubčuk,
- Volha Fiedarenka,
- Pavał Chamičuk,
- Kaciaryna Špak.
Jak paviedamlajuć bresckija pravaabaroncy, abvinavačany Michaił Lubčuk nie źjaviŭsia ŭ sud — jaho abviaścili ŭ vyšuk. Ale ŭ hetaj hrupie vyrašyli sudzić 23-hadovaha palitviaźnia Viktara Kucharčuka, jaki ŭtrymlivajecca ŭ SIZA Bresta z 8 kastryčnika, piša «Radyjo Svaboda».
Ich, jak i inšych fihurantaŭ, vinavaciać u «hrubym parušeńni hramadskaha paradku» (č. 1 art. 342 Kryminalnaha kodeksa Biełarusi).
Spravu razhladaje sudździa Taciana Łaŭraniuk.
«Karahodnaja sprava» u Breście — adzin z samych bujnych palityčnych pracesaŭ za apošnija paŭtara hoda ŭ Biełarusi. Raniej pryhavory pa hetaj spravie atrymali ŭžo 102 asoby. Padziei, za jakija zaviali spravu, adbylisia 13 vieraśnia 2020 hoda. Ludzi na skryžavańni vulic vadzili vialiki karahod pad muzyku, śpiavali i tancavali. Udzielniki kažuć pra charaktar tych padziej jak «atmaśfieru śviata». Pavodle hetaj spravy pieravažna asudžajuć da «chimii» i «chatniaj chimii», ale taksama jość asudžanyja i da kałonii.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary