Da 3600 jeŭra štrafu. Aŭstryja budzie surova karać tych, chto nie choča pryščaplacca
Aŭstryjski ŭrad pradstaviŭ zakonaprajekt ab abaviazkovaj vakcynacyi, paviedamlaje aŭstryjskaje telebačańnie. Zakon pačnie dziejničać z 1 lutaha 2022 hoda.
Štokvartalna, pačynajučy z 15 sakavika, pavinny vyznačacca krajnija terminy vakcynacyi. Kožnamu, chto nie budzie vakcynavany ŭ hetyja dni i nie padpadaje pad vyklučeńnia ad vakcynacyi, pahražaje štraf da 3600 jeŭra.
Kali čałaviek usio ž zrobić pryščepku, štraf budzie źniaty zadnim dniom.
Ludziej, jakija praciahnuć ihnaravać patrabavańnie pryščapicca, pry hetym nie majučy padstaŭ dla vyzvaleńnia ad vakcynacyi, buduć štrafavać štokvartalna.
Ad abaviazku vakcynavacca vyzvalajucca dzieci da 14 hadoŭ i ciažarnyja žančyny, tyja, chto pierachvareŭ na COVID-19 nie paźniej, čym za 180 dzion, a taksama asoby, jakija nie mohuć być vakcynavany pa stanie zdaroŭja.
Aŭstryja stała pieršaj krainaj u ES, jakaja abviaściła abaviazkovuju vakcynacyju.
Kamientary