Dachody biełarusaŭ za apošnija 10 hod zmohuć pravieryć pa zapycie siłavikoŭ
Padatkovy kodeks z 2022 hoda płanujuć dapoŭnić artykułam «Kamieralnaja pravierka adpaviednaści raschodaŭ dachodam fizičnaj asoby» (art. 73-1). Pravierka pravodzicca za miesiac, niekalki miesiacaŭ biahučaha kalandarnaha hoda, a taksama za 10 poŭnych hadoŭ. Padstavaj moža stać piśmovy zapyt orhanaŭ Kamiteta dziaržkantrolu, milicyi, prakuratury i Śledčaha kamiteta. A taksama pravierka moža pravodzicca pa daručeńni ministra pa padatkach i zborach, jaho namieśnikaŭ, kiraŭnikoŭ abłasnych padatkovych inśpiekcyjaŭ i ich namieśnikaŭ.
Na papiarednim etapie pravierki inśpiektary buduć vyznačać, ci isnuje pieravyšeńnie raschodaŭ nad dachodami.
Da nastupnaha etapu jany piarojduć, kali suma pieravyšeńnia składaje 500 i bolš bazavych vieličyń (na siońnia heta suma ad 14,5 tysiači rubloŭ). Tady padatkaviki zapatrabujuć tłumačeńni ab krynicach dachodaŭ.
Pakul niama dakładnaj jasnaści, ci budzie novaŭviadzieńnie raspaŭsiudžvacca na pravierki, pačatyja paśla 1 studzienia 2022 hoda. Kali čałaviek u tłumačeńniach ab krynicach dachodaŭ paznačyć dachody, atrymanyja raniej za dziesiać praviarajemych hadoŭ, to pravierany moža być i bolš praciahły pieryjad.
Važna: kali pravierka pravodzicca pa zapycie siłavikoŭ, supastaŭlać dachody i raschody buduć niezaležna ad sumy, čałaviek adrazu budzie vymušany pradastavić tłumačeńni ab krynicach dachodaŭ, źviestki i dakumienty, źviazanyja z praviadzieńniem pravierki. Padatkovaja daje 30 dzion, kab čałaviek paśpieŭ sabrać usie dakumienty.
Jašče adzin momant. Kali inśpiektary vyśviatlać, što dachod byŭ atrymany ŭ vyniku farmalnaj ździełki, metaj jakoj było tolki syści ad spłaty padatkaŭ, to-bok nijakich pravavych nastupstvaŭ, źmienaŭ pravoŭ i abaviazkaŭ bakoŭ nie adbyłosia, to z takich dachodaŭ daviadziecca spłacić padatak. Staŭka padachodnaha padatku z sum pieravyšeńnia raschodaŭ nad dachodami z 2022 hoda płanujecca u pamiery 20%.
***
Kali ŭ vas jość pytańni pra padatki, možacie zadać ich u naš bot u Telehramie, a my razam z ekśpiertami pastarajemsia na ich adkazać.
Polski sudździa-pierabiežčyk: «Idyjoty ź Biełarusi nikoli hetaha nie zrazumiejuć. Ciapier ja raźvitvajusia»7
Kamientary