Stvaralniki «Sputnika» śćviardžajuć, što zrabili madyfikacyju pad «amikron»
Nacyjanalny rasijski daśledčy centr epidemijałohii i mikrabijałohii imia Hamalei śćviardžaje, što ŭžo raspracavaŭ madyfikacyju vakcyny «Sputnik V» suprać amikron-štama karanavirusa, jana prachodzić pieršy etap kliničnych vyprabavańniaŭ.
Pra heta ŭ aŭtorak zajaviŭ dyrektar centra Alaksandr Hincburh u efiry telekanała «Rasija-24», piša TASS.
«[Pakul] niama nijakich dokazaŭ taho, < … > što «amikron» vycieśnić delta-štam. [U hetym vypadku], mahčyma, vakcyna pavinna być dvuchkampanientnaj, jakaja pavinna budzie abaraniać ad i delta-štama, i ad amikron-štama. Tamu tady nieabchodna budzie zadziejničać novuju płatformu pa stvareńni vakcyn, jakija ŭ ciapierašni čas Instytut Hamalei ŭžo adpracavaŭ, i ŭ ciapierašni čas [vakcyna] prachodzić pieršuju stadyju kliničnych vyprabavańniaŭ», — skazaŭ jon.
«Kali adbudziecca vyciaśnieńnie (delta-štama karanavirusa «amikronam»), nieabchodna budzie <…> zamianić ustaŭku, jakaja kadziruje, vyznačaje abaronu da delta-štama, na ŭstaŭku, jakaja budzie vyznačać, adpaviedna, abaronu da amikron-štama, takija kanstrukcyi ŭžo stvoranyja», — rastłumačyŭ Hincburh.
Pa słovach Hincburha, pieršyja danyja ab efiektyŭnaści vakcyny «Sputnik V» suprać štama karanavirusa «amikron» mohuć być atrymanyja ŭžo na nastupnym tydni.
Ciapier čytajuć
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary