Eduard Babaryka padazravany pa novaj kryminalnaj spravie, jamu pahražaje da 20 hadoŭ
Syn Viktara Babaryki nie vyjšaŭ na volu paśla zakančeńnia 18 miesiacaŭ utrymańnia pad vartaj pa abvinavačvańni va ŭchileńni ad vypłaty padatkaŭ. Ciapier Eduard padazravany pa kryminalnaj spravie.
Eduard Babaryka padazrajecca pa nastupnych artykułach:
— artykuł 130, častka 3 Kryminalnaha kodeksa: raspalvańnie rasavaj, nacyjanalnaj, relihijnaj albo inšaj sacyjalnaj varožaści (da 12 hadoŭ pazbaŭleńnia voli);
— artykuł 293, častka 1 Kryminalnaha kodeksa Biełarusi: arhanizacyja masavych biesparadkaŭ (da 15 hadoŭ pazbaŭleńnia voli).
U suviazi z tym, što arhanizacyja masavych biesparadkaŭ — asabliva ciažkaje złačynstva, u vypadku vystaŭleńnia abvinavačvańnia pa sukupnaści Eduardu moža pahražać da 20 hadoŭ pazbaŭleńnia voli, paviedamlaje štab Viktara Babaryki.
Abvinavačvańnie jašče nie vystaŭlenaje. Kali jano nie budzie vystaŭlenaje na praciahu dziesiaci dzion z momantu novaha faktyčnaha zatrymańnia, Eduard pavinien być adpuščany.
Eduarda Babaryku zatrymali 18 červienia 2020 hoda. Paŭhoda jon znachodziŭsia ŭ SIZA KDB. Ciapier Eduard znachodzicca ŭ SIZA-1 h. Minska na vuł. Vaładarskaha.
-
«Jak ja bieź ciabie?» Źmicier Daškievič napisaŭ dźvie knihi pra pieražytaje i pieradumanaje ŭ kałonii. Abvieščany zbor hrošaj na vydańnie
-
Kiraŭnika vialikaj kampanii sielhastechniki asudzili za palityku
-
Chacieli ŭkłaścisia ŭ 45 tysiač, a vyjšła 75 tysiač rubloŭ. Maładyja raskazali pra vydatki na viasielle
Kamientary