Milicyja budzie rekłamavać žyćcio ŭ Biełarusi, kab da nas pryjechała bolš zamiežnikaŭ
Urad pryniaŭ dziaržaŭnuju prahramu ab zabieśpiačeńni pravaparadku na bližejšyja piać hod. Jość tam adhalinavańnie i pa mihracyi. Jak adznačajuć ułady, apošnim časam nazirajecca skaračeńnie mihracyjnaha pryrosta: źjazdžać z krainy stała bolš, a pryjazdžać — mienš. Ale ŭ milicyi nie hublajuć aptymizmu: da 2025 hoda raźličvajuć atrymać mihracyjny pryrost na 20 tysiač čałaviek. Kažuć, treba rekłamavać žyćcio ŭ Biełarusi za miažoj, kab žadajučych pierajechać da nas było bolš.
Pa aficyjnych dadzienych, z 2020 hoda nazirajecca pavieličeńnie kolkaści hramadzian Biełarusi, jakija źjazdžajuć za miažu i zastajucca tam. U milicyi nazyvajuć dźvie pryčyny: popyt na biełaruskich śpiecyjalistaŭ i stabilizacyju abstanoŭki va Ukrainie, kudy viarnulisia ŭkraincy, jakija niekalki apošnich hod žyli ŭ Biełarusi, adpaviedna, i novych ukraincaŭ u nas nie paboleła.
Čamu zamiežniki pryjazdžajuć u Biełaruś? Uźjadnańnie siamji, repatryjacyja etničnych biełarusaŭ i, vy nie pavierycie, dla pražyvańnia ŭ krainie «sa stabilnaj ekanomikaj, palityčnaj situacyjaj, a taksama dastatkova vysokim uzroŭniem žyćcia ŭ paraŭnańni ź inšymi krainami SND».
U 2020 hodzie ŭ paraŭnańni z 2019-m skaraciłasia kolkaść zamiežnych hramadzian, jakija pryjazdžajuć u Biełaruś na pracu. U asnoŭnym heta byli rabočyja z Rasii, Kitaja, Ukrainy i Uźbiekistana. Biełarusy ž čaściej za ŭsio vyjazdžajuć na pracu ŭ Polšču, Litvu i Rasiju.
Jak mihracyjnyja ŭłady płanujuć vyrašać prablemu? Vydavać dazvoły na stałaje pražyvańnie zamiežnikam, jakija majuć padstavy dla nabyćcia tut hramadzianstva, taksama pa sproščanym paradku vydavać hramadzianstva biełarusam, jakija raniej pražyvali ŭ krainie abo naradzilisia tut, davać mihracyjnyja lhoty zamiežnym studentam i vypusknikam, jakija vučylisia ŭ Biełarusi, i vysokakvalifikavanym rabotnikam, a jašče kampiensavać zamiežnikam raschody na pierajezd u Biełaruś i pieršapačatkovaje ŭładkavańnie (na heta ź biudžetu vydzialać 383 840 rubloŭ).
I samaja cikavaja prapanova ad uładaŭ — praviadzieńnie infarmacyjnaj kampanii za miažoj, Biełaruś buduć rekłamavać jak krainu dla pracy i žyćcia. Da 2025 hoda ŭłady raźličvajuć atrymać mihracyjny pryrost u 20 tysiač čałaviek.
Jak pandemija źmianiła mihracyju va Uschodniaj Jeŭropie ŭ advarotny bok
Biełarusy źbirajuć podpisy suprać zabarony na vyjezd z krainy
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary