«Prapanoŭvajuć stać… družyńnikam». Na staličnym chlebazavodzie prydumali aryhinalny sposab paźbiehnuć palityčnaha zvalnieńnia
Jak stała viadoma «Našaj Nivie», chvala zvalnieńniaŭ zakranuła i «Chlebazavod №2» u Minsku. Pa infarmacyi čytačoŭ, tudy pryjšoŭ śpis na zvalnieńnie z paraj dziasiatkaŭ imionaŭ tych, chto pierad vybarami padpisaŭsia za alternatyŭnych kandydataŭ. Praŭda, jość adno «ale». Nibyta jość šaniec, paźbiehnuć zvalnieńnia , kali napišaš zajavu na ŭstupleńnie ŭ «dobraachvotnuju družynu».
«Albo zajava na zvalnieńnie, albo ŭstupleńnie ŭ družyńniki. Dyrektar prosić usich abrać druhoje, bo kadraŭ brakuje», — raskazaŭ «Našaj Nivie» adzin z supracoŭnikaŭ.
Pa słovach surazmoŭcy, paśla padpisańnia zajavy ludziej pavinny prymacavać da apornych punktaŭ i ŭ volny čas jany pavinny patrulavać horad.
«Sutnaść, vidać, u tym, kab pakazać, što ludzi pakajalisia i pierajšli na bok uładaŭ. A jašče, mahčyma, hetyja śpisy družyńnikaŭ buduć apublikavanyja, i heta taksama budzie vydatnaj karcinkaj dla ciapierašniaj ułady. Ludzi nie žadajuć dałučacca da družyn, ale mnohija źbirajucca ŭstupić, bo nie chočuć pazbavicca pracy, treba karmić siemji», — kamientujuć surazmoŭcy.
Raniej padobnyja prapanovy pastupali supracoŭnikam Biełaruskaj čyhunki. Kali vam viadoma pra takija ž kiejsy na vašych pradpryjemstvach, paviedamcie pra heta ŭ telehram-bot «Našaj Nivy». Heta ananimna i biaśpiečna.
Staŭ viadomy łajfchak pa ŭładkavańni na rabotu, kali vy «palityčny»
Skandalna viadomy funkcyjanier BRSM Ciuchaj pajšoŭ u «družyńniki». Raskazvaje, jak pieršyja pośpiechi
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary