Račułki, jakija ŭ inšyja hady možna pierajsci ŭbrod, zabrali piać čałaviek u hetyja vychadnyja dni na Homielščynie.
Nievialikija rečki, jakija ŭ inšyja hady možna pierajsci ŭbrod, zabrali piać čałaviek u hetyja vychadnyja dni na Homielščynie.
La Čačory, što ciače ŭ Buda‑Kašaloŭskim rajonie, adpačyvali razam ź siemjami dvoje mužčyn. Adzin z ich, 28‑hadovy, padpłyŭ blizka da nievialikaj damby sa šluzam, jakija byli zalityja vadoj z‑za daždžoŭ. Niečakana račny patok pierakinuŭ jaho praz dambu i zakruciŭ u vadavarocie, jak raskazaŭ viadučy śpiecyjalist Homielskaj abłasnoj arhanizacyi tavarystva vyratavańnia na vadzie Siarhiej Kaściučenka. Druhi, 32‑hadovy, kinuŭsia jaho ratavać, ale taksama nie zmoh spravicca sa stychijaj vady. Cieła adnaho svajaki chutka znajšli niedaloka ad miesca zdareńnia, a druhoha tapielca padniała manieŭrana‑pošukavaja hrupa Homielskaha tavarystva vyratavańnia na vadzie.
Na vychadnych u račułcy Chorapuć, što ciače praz Dobruš, patanuŭ 17‑hadovy školnik, jakoha sprabavali, ale nie zmahli vyratavać svajaki. Na miascovym voziery ŭ Mazyrskim rajonie la vioski Žakovičy zahinuŭ 46‑hadovy pastuch miascovaha SVK «Kryničny». U stanie ałkaholnaha apjanieńnia byŭ 44‑hadovy mužčyna, jaki patanuŭ u rečcy Pokuć u Čačerskim rajonie. Usie zdarenni adbylisia na tak zvanych «dzikich» plažach.
Kamientary