Pavodle jaho słoŭ, rašeńnie źviazana z kryminalnaj spravaj ab paklopie pa pazovie Jaŭhiena Pryhožyna.
Piśmieńnik, publicyst, paet i dramaturh Viktar Šenderovič paviedamiŭ, što vyrašyŭ źjechać z Rasii.
«Ja pryniaŭ rašeńnie pieračakać zvonku», — napisaŭ jon u svaim fejsbuku. Šenderovič nie ŭdakładniŭ, kudy mienavita adpravicca. U jakaści pryčyny adjezdu piśmieńnik nazvaŭ kryminalnuju spravu pavodle pazova biznesmena Jaŭhiena Pryhožyna, ab sudzimaści jakoha Šenderovič zajaviŭ u efiry «Echo Moskvy».
Paśla słoŭ piśmieńnika Pryhožyn padaŭ pazoŭ ab abaronie honaru, hodnaści i dziełavoj reputacyi, a taksama kampiensacyi maralnaj škody ŭ dačynieńni da Šenderoviča, «Echo Moskvy» i jaho hałoŭnaha redaktara Alaksieja Vieniadziktava. Pradprymalnik zapatrabavaŭ vydalić źviestki z publičnaha dostupu, abvierhnuć ich i spahnać kampiensacyju z Šenderoviča i zasnavalnikaŭ «Echo Moskvy» — pa 5 miljonaŭ rasijskich rubloŭ (kala 172 tysiač biełaruskich).
24 śniežnia Prymorski rajonny sud Sankt-Pieciarburha spahnaŭ z radyjostancyi na karyść Pryhožyna 1 miljon rasijskich rubloŭ (34 tysiačy biełaruskich), a z Šandaroviča — 100 tysiač (3 400 biełaruskich).
Paśla hetaha Pryhožyn nakiravaŭ u palicyju zajavu ab raspačynańni suprać piśmieńnika kryminalnaj spravy ab paklopie. Pa hetym artykule Šenderoviču pahražaje da piaci hadoŭ pazbaŭleńnia voli, nahadvaje RBK.
«Ad asabistaha ŭdziełu ŭ kryminalnaj spravie <…> ja, mabyć, ustrymajusia», — napisaŭ Šenderovič. Jon rastłumačyŭ, što sprava chutčej u dasudovych mierach, čym u kryminalnym terminie: artykuł pra paklop u Rasii praduhledžvaje abmiežavańnie voli na čas śledstva.
Viktar Šenderovič — Alaksandru Łukašenku: Zrabicie pieršy krok. Vyzvalicie Maryju Kaleśnikavu
Ciapier čytajuć
Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst23
Kamientary