Mažylis Kazachstana prahałasavaŭ za pazbaŭleńnie Nazarbajeva pažyćciovych pasad
Nižniaja pałata parłamienta Kazachstana (Mažylis) pryniała papraŭki da kanstytucyjnych zakonaŭ, pavodle jakich pieršy prezident krainy Nursułtan Nazarbajeŭ pazbaŭlajecca pažyćciovych pasad kiraŭnika Rady biaśpieki i Asamblei naroda Kazachstana.
Ciapier hetyja pasady pavinien zajmać dziejsny prezident, Kasym-Žamart Takajeŭ.
Deputat nižniaj pałaty kazachstanskaha parłamienta Kanat Nuraŭ napisaŭ u Fejsbuku, što adpaviednyja papraŭki byli pryniatyja da zakonaŭ ab paŭnamoctvach Nazarbajeva i jaho statusu Jełbasy, heta značyć, lidara nacyi. Pavodle jaho słoŭ, ciapier hetyja źmieny pavinna zaćvierdzić vierchniaja pałata parłamienta.
«Pierš za ŭsio, nieabchodna było admianić pažyćciovaje staršynstva pieršaha prezidenta ŭ Asamblei Naroda Kazachstana i Radzie biaśpieki, pra što jon užo sam abviaściŭ i što siońnia nami było zroblena, — piša deputat. — U sienat adpraŭlenyja ŭsie nieabchodnyja papraŭki ŭ kanstytucyjnyja zakony […] u častcy taho, što ciapier staršynstva ŭ ANK i SB pa pravie naležyć prezidentu Kazachstana — pa pasadzie, a nie pa asobie».
U aŭtorak Nazarbajeŭ zrabiŭ pieršuju publičnuju zajavu paśla masavych akcyj pratestu ŭ krainie. Jon vystupiŭ ź videazvarotam i skazaŭ, što nijakaha kanfliktu ŭ elicie niama, a sam jon znachodzicca na «zasłužanym adpačynku» ŭ stalicy Kazachstana.
«Ja na piensii, u stalicy. Nikudy nie źjazdžaŭ». Nazarbajeŭ vystupiŭ sa zvarotam
Pratasievič jeździŭ da Babaryki ŭ kałoniju niekalki razoŭ7
Kamientary