«Miedyki taksama chvarejuć». Ministerstva achovy zdaroŭja raskazała, jak vyrašajuć pytańnie ź niedachopam daktaroŭ

«Miedycynskija rabotniki taksama chvarejuć na karanavirusnuju infiekcyju. Siarod ich siońnia skłaŭsia adzin z samych vysokich uzroŭniaŭ vakcynacyi. Adpaviedna, heta ŭsio adbivajecca i na ciačeńni zachvorvańnia, — adznačyła padčas bryfinhu pa epidemijałahičnaj situacyi pieršy namieśnik ministra achovy zdaroŭja Alena Karatkova. — Prytym, i ryzyka zachvareć na karanavirusnuju infiekcyju, niahledziačy na dastatkovuju kolkaść abarony, bolš vysokaja, tamu što kantakty ŭ ich bolš vysokija (…).

Kali havaryć niepasredna pra horad Minsk, dzie rost zachvorvalnaści najbolš vysoki, tut užo na minułym tydni byli pryciahnutyja da pracy interny. Ź siońniašniaha dnia, z ulikam taho, što studenty jašče znachodziacca na kanikułach, u jakaści vałancioraŭ pačynajuć pracu bolš za 700 studentaŭ.

Z paniadziełka, z momantu vychadu, budzie pryciahnuta studentaŭ starejšych kursaŭ stolki, kolki nieabchodna dla ambułatornaj słužby, dla pracy ŭ koł-centrach, dla vykanańnia niejkich inšych techničnych zadańniaŭ i dla dapamohi miedycynskim rabotnikam.

Akramia taho, prypynienaje navučańnie, kursy pavyšeńnia kvalifikacyi. Usie daktary, pačynajučy ad uračoŭ ahulnaj praktyki i zakančvajučy vuzkimi śpiecyjalistami, viartajucca na svaje pracoŭnyja miescy, i ŭ vypadku nieabchodnaści dla pracy ŭ kantaktnych hrupach, dla absłuhoŭvańnia vyklikaŭ doma, dla arhanizacyi raboty ŭ paliklinikach taksama buduć pryciahvacca roznyja śpiecyjalisty, vuzkija śpiecyjalisty.

Vysoki ŭzrovień vakcynacyi, paŭtarusia, śviedčyć ab tym, što, mierkavana, formy zachvorvańnia siarod miedycynskich rabotnikaŭ dastatkova lohkija, što daje mahčymaść u samyja karotkija terminy, u bližejšyja piać dzion, viarnucca ŭ stroj. Tamu nijakaj paniki siarod nasielnictva być nie pavinna.

Dapamoha akazvajecca. Pryčym akazvajecca nie tolki pacyjentu z karanavirusnaj infiekcyjaj, ale i pa inšych napramkach. Mahčyma, płanavaja dapamoha bolš budzie skancentravanaja z uporam akazańnia doma.

Heta zroblena dla taho, kab nie pavyšać ryzyku mahčymaha zaražeńnia pry naviedvańni paliklinik. Kali niama terminovaści ŭ akazańni dapamohi, kali čałaviek adčuvaje siabie zdavalniajuča, viadoma ž, takoje pažadańnie, kab spłanavać svoj pachod u palikliniku nie ŭ samy razhar.

I jašče prośba da nasielnictva. Voś ciapier čerhaŭ niama, treba niejak raźmiarkoŭvać čas i nie imknucca patrapić u palikliniku da adkryćcia. Tamu što ŭmovy nadvorja, na žal, nie samy lepšy faktar. Jon niepažadany dla taho, kab čakać va ŭmovach vulicy».

Katastrofa ŭ paliklinikach. Hihanckija čerhi na čatyry-šeść hadzin, sotni ludziej u kalidorach

• 0
• 0
• 0
• 0
• 0