Łukašenka pachvaliŭ hubiernatara Sankt-Pieciarburha za paradak. Pry im horad patanaje ŭ śmiećci i nieprybranym śniezie
Siońnia ŭ Minsk prylacieŭ kiraŭnik Sankt-Pieciarburha Alaksandr Biahłoŭ. Łukašenka adznačyŭ, što toj pryvioŭ horad u paradak.
— Ja heta zaŭvažyŭ na svaje vočy, kali byŭ u Piciery. Ja na viertalocie lacieŭ, usio vidać. Ja nie čakaŭ, što vy tak surjozna pryviedziacie horad u paradak. Prosta źmianiŭsia horad na vačach. Pryjemna pahladzieć na siońniašni Picier. Ja dumaju, što budzie jašče lepš, i my hatovyja ŭ hetym udzielničać.
Varta adznačyć, što ŭ apošni čas u Sankt-Pieciarburhu adznačajucca maštabnyja infrastrukturnyja prablemy: paśla tak zvanaj «śmiećcievaj reformy» dvary pierapoŭnienyja śmiećciem, a vulicy vielmi kiepska prybirajucca ad śniehu i lodu.
Sam Biahłoŭ ličyć krytyku «prapłačanaj infarmacyjnaj kampanijaj» suprać siabie.
Kamientary