Łandśbierhis pra pahrozy Łukašenki Litvie: Treba pryznać, spadaru Alaksandru vynachodlivaści nie zajmać
Ministr zamiežnych spraŭ Litvy Habryelus Łandśbierhis u sieradu pierad pasiadžeńniem ŭrada prakamientavaŭ zajavy Alaksandra Łukašenki pra dziejańni ŭ adkaz u adras Litvy.
Pa słovach Łandśbierhisa, paśla kryzisu, źviazanaha ź nielehalnymi mihrantami, pahrozy Łukašenki treba rasceńvać surjozna.
«My aceńvajem surjozna, jak i inšyja pahrozy biełaruskaha režymu paśla kryzisu ź mihrantami pakazali, što pahrozy treba aceńvać surjozna, pakolki jany mohuć stać realnaściu», — cytuje ministra Delfi.lt.
«Ciapier my sočym za situacyjaj. Vyśviatlajem hetaje pytańnie z partniorami», — adznačyŭ Łandśbierhis. Na pytańnie, jaki moža być upłyŭ na Litvu, kali Łukašenka ažyćciavić svaje pahrozy, ministr skazaŭ, što tut skazać što-niebudź składana.
«Heta śpiekulacyi. Bolšaja častka tranzitu idzie nie ŭ Litvu, bolšaja častka idzie ŭ Kalininhradskuju vobłaść. Treba mieć heta na ŭvazie. Ci značyć heta, što Łukašenka pahražaje Rasii, što spynić nieabchodnyja jaje žycharam hruzy? Pakul my aceńvajem surjozna, stavimsia surjozna. My praviali niekatoryja padliki, ale jany nie dajuć jasnaha adkazu. Bo kali jon chacieŭ by kankretna pakarać Litvu, to treba było b spyniać kožny ciahnik i praviarać, kudy jon idzie. Tady treba adździalić litoŭskija ciahniki ad nielitoŭskich. Heta składanaja zadača. Vialikaje pytańnie, jak heta ažyćciavić», — skazaŭ Łandśbierhis ab zajavach Łukašenki.
«Ale treba pryznać, spadaru Alaksandru vynachodlivaści nie zajmać. Pahladzim, jak usio budzie raźvivacca. Kali ŭ situacyi buduć źmieny, to ŭrad prainfarmuje ab krokach», — skazaŭ Łandśbierhis.
Čytajcie taksama:
Łukašenka daručyŭ pryniać miery suprać Litvy ŭ vypadku admovy ad tranzitu hruzaŭ ź Biełarusi
Hałoŭčanka anansavaŭ «žorstkija miery» ŭ dačynieńni da Litvy
U paniadziełak praź Litvu prajšli apošnija ciahniki z hruzam «Biełaruśkalija»
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla6
Kamientary