Pavodle nazirańniaŭ «Ukrainskaj praŭdy», tolki ŭ hetu niadzielu z Kijeva vylecieła ŭ bok kala 20 čartarnych rejsaŭ ci pryvatnych samalotaŭ, jakija naležać ukrainskim aliharcham ci prosta bahatym ludziam. Usie ŭziali kurs na Jeŭropu, choć niekatoryja z hetych ludziej viadomyja jak aryjentavanyja na Rasiju.
Siarod čartaraŭ i pryvatnych samalotaŭ, jakija pakinuli Ukrainu ŭ niadzielu — barty Rynata Achmietava i Barysa Kaleśnikava.
Pryvatny bort na 50 čałaviek taksama zamoviŭ deputat prarasijskaj Apazicyjnaj płatformy «Za žyćcio» (APZŽ), miljanier Ihar Abramovič. Pa źviestkach «Ukrainskaj praŭdy» ad dźviuch krynic z APZŽ i dvuch ludziej, jakim prapanoŭvali źjechać, hety bort pavinien byŭ vyvieźci z Kijeva ŭ Vienu svajakoŭ adnapartyjcaŭ, a taksama biźnies-partnioraŭ Abramoviča.
U toj ža čas, choć adzin z bartoŭ Achmietava vylecieŭ z Ukrainy ŭ niadzielu, sam aliharch pakinuŭ krainu jašče 30 studzienia rejsam u Ciurych. U toj ža dzień źjechaŭ z Ukrainy biznesmen Viktar Pinčuk. Biznesmien i narodny deputat Vadzim Navinski vyjechaŭ z Ukrainy 10 lutaha rejsam Kijeŭ—Miunchien.
Siarod tych, chto vylecieŭ z Ukrainy ŭ Jeŭropu, nazyvajucca proźviščy i mienš viadomych pa-za miežami Ukrainy, ale taksama ŭpłyvovych biznesmienaŭ: Alaksandra Jarasłaŭskaha, Andreja Staŭnicera, Vadzima Nieściarenki, Vadzima Stołara i Vasila Chmialnickaha.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary