Kiraŭnik savieta dyrektaroŭ rasijskaj kampanii «Urałchim» Dźmitryj Kaniajeŭ abvierh infarmacyju, što «Urałchim» ci jahonaja daččynaja kampanija «Urałkalij» viaduć pieramovy ab kupli «Biełaruśkalija» i «Słaŭkalija», piša «Kommiersant'».
«Heta niapraŭda. My nie razhladajem raźvićcio kalijnych aktyvaŭ za miežami Piermskaha kraja. Našy intaresy ŭ kalii skancentravanyja vyklučna ŭ hetym rehijonie», — cytuje Kaniajeva vydańnie.
Pavodle słoŭ kiraŭnika «Urałchima», navat kali takija prapanovy ź Biełarusi pastupiać, razhladać ich usio adno nie buduć.
Biełaruskija zdabyča i prodaž kaliju patrapili ŭ ciažkuju situacyju paśla taho, jak zapracavali nakładzienyja ZŠA ŭ žniŭni 2021 hoda sankcyi suprać hetaj haliny. Choć rabilisia šmatlikija sproby ich abyści i byli zamiežnyja partniory, hatovyja pajści nasustrač, usio ž taki biełaruski ekspart kaliju byŭ spačatku vielmi ŭskładnieny, a paśla ŭvohule pastaŭleny pad pahrozu poŭnaha spynieńnia. Hałoŭnuju rolu adyhrała pryncypovaja pazicyja litoŭskaha ŭrada, jaki prymusiŭ «Litoŭskija čyhunki» razarvać raniej zaklučany i navat zahadzia prapłačany kantrakt. A z 16 lutaha ŭviała abmiežavańni na tranzit biełaruskich kalijnych uhnajeńniaŭ taksama i ŭkrainskaja čyhunka.
Ciapier usie spadziavańni tolki na Maskvu. Biełaruskija ŭłady nieadnarazova zajaŭlali, što Maskva hatovaja dać mahčymaści dla transparciroŭki kalijnych uhnajeńniaŭ praz rasiejskija party. Alaksandr Łukašenka kazaŭ, što pa hetym pytańni Minsk «daŭno razmaŭlaje z Rasijaj».
Kamientary