U Minsku pačynajuć ramont mosta na praśpiekcie Žukava, što nad čyhunkaj
U stalicy pačynajecca kapitalny ramont puciepravoda na praśpiekcie Žukava nad čyhunačnymi rejkami. Tam užo iduć padrychtoŭčyja pracy.
Z 1 sakavika tam źmienicca schiema ruchu, raskazaŭ «Minsk-navinam» pradstaŭnik Harrambuda Siarhiej Panieŭ.
Jon dadaŭ, što całkam pierakryvać most nie buduć, a sustrečnyja patoki buduć ruchacca pa adnoj pałovie puciepravoda, pakul na druhoj buduć vieści pracy.
Pieršaj zakryjuć źniešniuju častku puciepravoda, z boku HC «Outleto».
Namieśnik staršyni Minharvykankama Alaksandr Darachovič paabiacaŭ, što most adramantujuć u ścisłyja terminy, kab nie stvarać šmat niazručnaściaŭ dla haradžan.
Adnak ramont uskładniajecca z-za raźmiaščeńnia puciepravoda nad čyhunačnymi rejkami. Tamu vyrašajecca pytańnie ab pradastaŭleńni «voknaŭ» dla mostabudaŭnikoŭ, hetaje pytańnie abmiarkoŭvajecca z pradstaŭnikami Biełčyhunki.
Ciapier čytajuć
Stała viadoma, što za amierykaniec niadaŭna byŭ vyzvaleny ź biełaruskaj turmy2
Kamientary