Urad zaćvierdziŭ pahadnieńnie ab supracoŭnictvie z Ukrainaj u vyvučeńni kosmasu
Zaćvierdžana ramačnaje pahadnieńnie pamiž uradam Biełarusi i Kabinietam ministraŭ Ukrainy ab supracoŭnictvie ŭ halinie daśledavańnia i vykarystańnia kaśmičnaj prastory ŭ mirnych metach.
Takoje rašeńnie ŭtrymlivajecca ŭ pastanovie Savieta ministraŭ Biełarusi № 1038, paviedamiła pres‑słužba ŭrada.
Pahadnieńnie było padpisana ŭ Kijevie 12 červienia 2009 hoda. Jano praduhledžvaje arhanizacyju sumiesnych daśledavańniaŭ u halinie dystancyjnaha zandavańnia Ziamli, raspracoŭku i ŭkaranieńnie kaśmičnych technałohij u śfiery achovy navakolnaha asiarodździa, sielskaj haspadarki, kartahrafii, papiaredžańnia i pamianšeńnia nastupstvaŭ pryrodnych i technahiennych katastrof, a taksama abmien śpiecyjalistami.
Rašeńnie ab padpisańni ramačnaha pahadnieńnia było aformlena pastanovaj biełaruskaha ŭrada № 611 ad 8 maja. Tady ŭ paviedamleńni pres‑słužby Savieta ministraŭ pryvodziŭsia kamientaryj vykanaŭčaha dyrektara sajuznaj prahramy «Kosmas‑NT», supracoŭnika Abjadnanaha instytuta prablem infarmatyki Nacyjanalnaj akademii navuk Biełarusi Arkadzia Kraŭcova. «Ukrainskich kaleh cikavić naš vopyt pa stvareńni metavaj aparatury dla zdymki Ziamli, jakuju my płanujem ustanavić na novym biełaruskim spadarožniku, pa paramietrach jana adpaviadaje ŭzroŭniu suśvietnych standartaŭ. Nas ža cikaviać raspracoŭki ŭkrainskich śpiecyjalistaŭ u halinie naziemnaha kiravańnia spadarožnikam», — adznačyŭ śpiecyjalist.
Jon padkreśliŭ, što supracoŭnictva vučonych Biełarusi i Ukrainy ŭ śfiery kaśmičnych technałohij u apošnija hady raźvivałasia «kropkava». «Dahavornych kantraktaŭ u nas u cełym nie było, tamu padpisańnie mižuradavaha pahadnieńnia ŭ halinie daśledavańnia i vykarystańnia kaśmičnaj prastory ŭ mirnych metach dapamoža navukovym instytutam i centram dźviuch krain supracoŭničać u zhadanaj śfiery bolš ciesna i metanakiravana», — zajaviŭ supracoŭnik NANB.
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?2
Kamientary