Łukašenka paćvierdziŭ, što z terytoryi Biełarusi zapuskalisia rakiety pa Ukrainie
Łukašenka siońnia pajšoŭ hałasavać na vybarčy ŭčastak №1. Paśla hałasavańnia jon adkazaŭ na pytańni žurnalistaŭ. Łukašenka paćvierdziŭ zapuski rakiet pa Ukrainie. Jon nazvaŭ heta «vymušanym krokam».
Pra rakiety ź biełaruskaj terytoryi
Pa jaho słovach, rasijanie zapuścili dźvie rakiety ź Biełarusi ŭ adkaz na razhortvańnie ŭkrainskich rakietnych dyvizijonaŭ.
«U 11 hadzin (ŭviečary 23 lutaha, — zaŭv. «NN»), napiaredadni hetaha kanfliktu (było ŭžo ciomna), sapraŭdy, z terytoryi prykładna čarnobylskich rajonaŭ, dzie na vučeńniach byli rasijskija vojski, byli zapuščanyja dźvie ci try rakiety — skazaŭ Łukašenka. — Na ŭkrainskim baku ŭ 10-15 km ad miažy ź Biełaruśsiu vyjaŭlenyja niekalki razhornutych rakietnych dyvizijonaŭ. Pa raźviedvalnych danych, ukrainski bok rychtavaŭsia na praciahu bližejšych chvilin nanieści ŭdar pa terytoryi Biełarusi, dzie paśla vučeńniaŭ zastałasia častka rasijskaj hrupoŭki.
Ja nie davaŭ im kamandy puskać rakiety. Ja skazaŭ: «Tak, chłopcy, my heta bačym». I voś tady rasijanie pa hetych pazicyjach vypuścili dźvie ci try rakiety. Paśla hetaha pazicyj nie stała. Ale chto ŭ hetym vinavaty? Vy navošta raźviazali hetuju vajnu?»
Miž tym, jak paviedamlaje ŭkrainski bok, a taksama vidavočcy, rakiety ź biełaruskaha boku zapuskalisia i paśla 23 lutaha. Adnak Łukašenka kateharyčna heta abviarhaje. Taksama dadaje, što biełaruskija vojski nie vajujuć U toj ža čas, Łukašenka admaŭlaje, što biełaruskija vajskoŭcy i ŭzbrajeńnie ŭdzielničajuć u vajnie va Ukrainie.
«Ciapier i tady my nie vajujem suprać ich: u hetym niama nijakaj nieabchodnaści. Nijakija rakiety z našaj terytoryi tudy nie lotajuć, i nie treba, — zajaviŭ Łukašenka. — Kijeŭ akružany, hetyja harady akružanyja. Dzieści jany zaniali (rasijanie, — zaŭv. «NN») harady. Navošta z terytoryi Biełarusi za 200-300-400 kiłamietraŭ rabić abstreły? Heta varjactva.
Tamu heta chłuśnia. Nijakaj vajny z terytoryi Biełarusi nie idzie. Dapamahajem my rasijanam? Viadoma, dapamahajem. Paranienyja, zahinułyja ludzi… Kali da nas źviartajucca ź ciažkimi ranieńniami, my ich lečym. I što ŭ hetym drennaha? I budziem lačyć, budziem padtrymlivać. Tamu nie treba na nas napadać i z «Kvartała 95» niejkim hołasam padavać, što vy, biełarusy, zrabicie pravilny vybar. Ty raźbiarysia ŭ siabie sa svaim vybaram!»
Pra biełaruskaje ŭzbrajeńnie i techniku na terytoryi Ukrainy
«Jon [Zialenski] siońnia paprakaje, što my tam vajujem. Tam niama ni adnaho našaha sałdata. Ni toje što nivodnaha sałdata (ja ŭčora Makronu pra heta skazaŭ, jany adzin u adzin paŭtarajuć) abo bajavoj mašyny, tam nie toje što niama kulamiotaŭ, hranatamiotaŭ, pistaletaŭ — tam niama nivodnaha patrona biełaruskaha. Heta Rasii nie treba. U ich i bojeprypasaŭ, i patronaŭ, i aŭtamataŭ, i ludziej chopić dla taho, kab vyrašyć tyja prablemy, jakija Rasija choča vyrašyć. Tamu nie treba nas pryściohvać da taho, dzie nas niama.
Łukašenka zajaviŭ, što va Ukrainie «palujuć na ruskich i biełarusaŭ, źbivajuć ich i rabujuć».
«Jon što, šturchaje mianie na praviadzieńnie śpiecapieracyi, kab ja vyzvalaŭ svaich ludziej tam? Jany nie viedajuć našy śpiecpadraździaleńni. Varjaty! Nie čapajcie ludziej. Jany pryjechali da vas adpačyć, napeŭna, i niamała svajakoŭ, jakija tam žyvuć. Jany pačali ich źbivać, ckavać. Jany pahražajuć nam terarystyčnymi aktami. Padrychtavali tam bandytaŭ ź liku źbiehłych. Źbili ich u hrupy, jak varvaraŭ, i nacelvajuć suprać Biełarusi», — zajaviŭ jon.
Pra zvarot Uładzimira Zialenskaha da biełarusaŭ
«Zusim niadaŭna «mały napaleončyk» (prabačcie, što ja tak pra jaho kažu) źviarnuŭsia da biełaruskaha naroda z nahody refierendumu. Jak byccam va Ukrainie bolš niama čym zajmacca, jak z bunkiera viaščać biełaruskamu narodu i raić, što im zrabić.Tak i chočacca skazać, što prapanujuć paŭtaryć nam los Ukrainy. I navat nie ŭ ciapierašni momant, a ŭ toj čas, jaki papiaredničaŭ hetym padziejam. Voś im chočacca, kab takaja była Biełaruś.
Da kaho jon źviartajecca? My ž pa-čałaviečy zaŭsiody stavilisia da ŭkraincaŭ. My ŭsio rabili. Što my atrymali? I jon siońnia vychodzić u hetaj kašuli abo ŭ majcy i pačynaje źviartacca da biełaruskaha naroda. Dyk da biełaruskaha naroda jość kamu źviartacca. Jon chaj źviartajecca da ŭkrainskaha naroda i adkazvaje za toje, što adbyvajecca siońnia va Ukrainie».
«Siońniašni kanflikt va Ukrainie — heta jašče kvietački. Kali dalej tak budzie praciahvacca, vyrastuć jahadki. I ni ŭ jakim bunkiery — ni ŭ amierykanskim, ni ŭ niejkim inšym — jon nie schavajecca. Tamu siońnia treba spynić vajnu. Ja b navat ciapier heta nie nazvaŭ «vajna». Heta kanflikt. Dzień-dva — budzie vajna. A praz try dni-miasarubka», — zajaviŭ jon.
Pra «abdymki Rasii»
«Toje, što adbyvajecca ciapier, šturchaje nas da ščylnaj kaapieracyi. U pryvatnaści, na fonie abvieščanych Zachadam sankcyj u dačynieńni da Rasii i dostupu da peŭnych technałohij bolš aktualnym stanovicca ŭzajemadziejańnie ź Biełaruśsiu pa linii vytvorčaści mikraschiem i padobnaj pradukcyi. My zachavali i «Płanar», i «Haryzont», i «BiełOMA». My z Pucinym abmiarkoŭvali, i nie adnojčy, hetaje pytańnie. Vyžyviem! Nas niemahčyma zamaryć hoładam. Ziamli ŭ nas chapaje, ŭhnajeńni jość, traktar jość, płuh jość, pierapracavać možam. Spažyć? 150 miljonaŭ čałaviek, spažyviem.
Bolš za toje, sučasny śviet nie abmiažoŭvajecca tolki rynkami ZŠA i Jeŭrasajuza, siońnia Azija ŭžo padniałasia na hety ŭzrovień. My pradadzim svaju pradukcyju. Prosta ciapier treba mabilizavacca i troški bolš papracavać, tamu što nam padkinuli niamała prablem».
Pra sankcyi
«U hetaj situacyi vy pavinny razumieć adno: byvajuć takija sankcyi. Voś ciapier šmat kažuć suprać bankaŭskaha siektara. Haz, nafta, SWIFT. Heta ž horš za vajnu. Heta Rasiju padšturchoŭvajuć da treciaj suśvietnaj vajnie. Tamu voś tut nam treba być strymanymi, kab nie ŭlapacca. Tamu što jadziernaja vajna — heta ŭsio».
Pra kontrsankcyi
«Hetyja miechanizmy pačali pracavać. I pa miery nieabchodnaści, kab nie strelić sabie nie toje, što ŭ nahu — u hałavu, my budziem hetyja miechanizmy naroščvać. Nie było b ščaścia, dy niaščaście dapamahło: ciapier jašče bolš žorstkija sankcyi ŭviali suprać Rasiei. Tamu našy sankcyi —Rasii i Biełarusi — heta budzie vielmi adčuvalna. Varjaty: zakryli nieba dla Rasii tam — palaki, łatyšy, čechi, litoŭcy i hetak dalej. Praz Paŭnočny polus palaciać. Nu poŭnyja durni! Navošta?!
Sankcyi daviadziecca vielmi chutka adkručvać nazad. Dyk navošta ž vy ŭłazicie ŭ dziarmo, ź jakoha potym budzie vielmi składana vychodzić? A kali vyjdzieš, to budzieš uvieś vymazany-Nu a dalej što? Chto ŭ vyjhryšy budzie? Zrazumieła.
Tamu my budziem naroščvać hetyja sankcyi, ale nie na škodu sabie».
Pra biełaruskija vojski
«Vojski znachodziacca ŭ kazarmach ŭ miescach svajoj dysłakacyi, ale pry nieabchodnaści hatovyja na praciahu niekalkich hadzin adkazać na mahčymyja vykliki i nanieści nieprymalny ŭron praciŭniku, — zajaviŭ Łukašenka. — My pavodzim siabie vielmi karektna i akuratna. Navat u hety vostry pieryjad, razumiejučy, što jany tam kancentrujucca, my nie vyvieli ź miescaŭ pastajannaj dysłakacyi našy vojski. Jany znachodzilisia ŭ kazarmach, tak i znachodziacca. Ale hatovyja na praciahu troch hadzin vyjści pa kamandzie. Ja takuju kamandu nie addavaŭ, i niama takoj nieabchodnaści.
Ale płany abarony Biełarusi raspracavanyja. Najbližejšym časam (my ŭžo viedajem, jakaja nam patrebnaja dadatkovaja technika) my z Pucinym damovimsia i z Rasiei pierakiniem siudy dadatkova adpaviednaje ŭzbrajeńnie, jakoje moža nanieści takuju škodu nieprymalnaje, što ni palakam, ni litoŭcam vajavać z nami nie zachočacca».
Pra pieramovy z Ukrainaj
Padčas vystupu Łukašenki stała viadoma, što Ukraina admoviła ad pieramovaŭ u Homieli, dzie ich čakaje rasijskaja delehacyja.
«Biedny Pucin. To prapanujuć, to nazad adstupajuć. Mnie jaho, ščyra kažučy, škada. Učora ja jaho tak pierakonvaŭ, kažu: «Słuchaj, treba pajechać». «Dy nie pajeduć jany». Kažu: «Nu, nie pajeduć-heta ich budzie vybar». Tak i atrymałasia. Nu jak ź imi razmaŭlać [ukrainskimi ŭładami]? Učora paabiacali, što pryjeduć. Jon samalot pasyłaje z delehacyjaj, my viaziem ich u Homiel. Jany admaŭlajucca, kali heta nie fejk.
Vy dumajecie, heta Vałodzia Zialenski pryniaŭ rašeńnie? Dy nie, jon ahučyŭ jaho. Ci chtości ahučyŭ. Nie daduć jamu, nie daduć! Kali jon dzieści tuzaniecca, vykinuć z bunkiera i budzie stajać kala RSZA na praśpiekcie Pieramožcaŭ u Kijevie. Voś usio. Voś ich palityka. Heta ich vybar. Darma, vielmi darma!»
Ciapier čytajuć
Susied Mielnikavaj: Niekalki tydniaŭ tamu niejki mužčyna vynosiŭ z kvatery sabranyja rečy9
Kamientary